കോവിഡ് വാക്സിന് മൂക്കിലൂടെ; ചൈനക്ക് പുറമേ യു.കെയും ഇതെ പരീക്ഷണത്തില്‍; പരീക്ഷണം ഓക്‌സ്ഫഡ് വാക്‌സിനില്‍; നിലവില്‍ ഫ്‌ലൂ വാക്‌സിനും കുത്തിവെയ്പ്പല്ലാതെ ഇത്തരത്തില്‍ നേസല്‍ സ്‌പ്രേ രൂപത്തില്‍ നല്‍കുന്നുണ്ട്; പുതിയ മാറ്റം പുതിയ പ്രതീക്ഷ
കോവിഡ് വാക്സിന് മുക്കിലൂടെ നല്‍കുന്നത് സംബന്ധിച്ച് ആദ്യ പരീക്ഷണം നടത്തിയത് ചൈനയാണ്. കോവിഡ് വൈറസിനെതിരെ മൂക്കില്‍ സ്‌പ്രേ ചെയ്യുന്ന വാക്സിന് ചൈന വികസിച്ചിരുന്നു. അതിന് ചൈനയ്ക്ക് അനുമതി ലഭിച്ചു. എന്നാല്‍ ചൈന ആയതുകൊണ്ടു തന്നെ ലോകത്തിന് അധികം വിശ്വാസമുണ്ടായിരുന്നില്ല. എന്നാല്‍ ഇതാ ഇത്തരത്തിലൊരു പരീക്ഷണത്തിന യുകെയും തയ്യാറെടുക്കുന്നു. കോവിഡ് 19നെതിരായ വാക്സിന് പരീക്ഷണം അവസാന ഘട്ടത്തോടടുക്കുമ്പോളാണ് നിര്‍ണായകമായ മറ്റൊരു പരീക്ഷണവുമായി യുകെയിലെ വിദഗ്ധര്‍ കടക്കുന്നത്. ശരീരത്തില്‍ കുത്തിവെക്കാനായി വികസിപ്പിച്ച വാക്സിന് മൂക്കിലൂടെ ശ്വാസകോശത്തിലേയ്ക്ക് നേരിട്ട് നല്‍കിയുള്ള പരീക്ഷണത്തിനാണ് യുകെയിലെ വിദഗ്ധര്‍ തയ്യാറെടുക്കുന്നതെന്ന് ബിബിസി റിപ്പോര്‍ട്ട് ചെയ്യുന്നു.
യുകെയിലെ ഇംപീരിയല്‍ കോളേജ് ഓഫ് ലണ്ടനിലെ സംഘമാണ് കോവിഡ് 19 വാക്സിന് മൂക്കിലൂടെ വലിച്ചുള്ള പരീക്ഷണം നടത്താന്‍ ഒരുങ്ങുന്നത്. സാധാരണ രീതിയില്‍ വാക്സിന് കുത്തിവെക്കുന്നതിനെക്കാള്‍ ഫലപ്രദം ഇത്തരത്തില്‍ വാക്സിന് നല്‍കുന്നതായിരിക്കുമെന്നാണ് ഇവര്‍ അവകാശപ്പെടുന്നത്. ഇംപീരിയല്‍ കോളേജ് വികസിപ്പിച്ച് ജൂണില്‍ ക്ലിനിക്കല്‍ പരീക്ഷണം ആരംഭിച്ച വാക്‌സിനും ഇന്ത്യയില്‍ ഉള്‍പ്പെടെ വന്‍തോതില്‍ ഉത്പാദിപ്പിക്കുന്ന ഓക്‌സ്ഫഡ് വാക്‌സിനുമാണ് ഇത്തരത്തില്‍ പരീക്ഷണം നടത്താനായി തെരഞ്ഞെടുത്തിരിക്കുന്നത്. പൂര്‍ണ ആരോഗ്യമുള്ള 30 വോളണ്ടിയര്‍മാര്‍ക്കാണ് പരീക്ഷണാടിസ്ഥാനത്തില്‍ വാക്സിന് നല്‍കുക. സ്‌പ്രേ അല്ലെങ്കില്‍ എയ്‌റോസോള്‍ രൂപത്തിലായിരിക്കും വാക്സിന് ശ്വാസകോശത്തിലേയ്ക്ക് കടത്തി വിടുക. നെബുലൈസര്‍ യന്ത്രത്തിന്റെയും മാസ്സിന്റെയും സഹായത്തോടെ ആസ്മ ഉള്‍പ്പെടെയുള്ള രോഗങ്ങള്‍ക്ക് മരുന്നു നല്‍കുന്ന മാതൃകയിലാണ് കോവിഡ് വാക്‌സിനും നല്‍കുക. നിലവില്‍ ഫ്‌ലൂ വാക്‌സിനും കുത്തിവെയ്പ്പല്ലാതെ ഇത്തരത്തില്‍ നേസല്‍ സ്‌പ്രേ രൂപത്തില്‍ നല്‍കുന്നുണ്ട്. കോവിഡ്19 രോഗബാധയുടെ സ്വഭാവമാണ് ഇത്തരത്തിലൊരു പരീക്ഷണത്തിന് പ്രേരിപ്പിക്കുന്നതെന്നാണ് ഇംപീരിയല്‍ കോളേജിലെ ഗവേഷകര്‍ പറയുന്നത്.
'മൂക്കിന്റെയും തൊണ്ടയുടെയും ശ്വാസകോശങ്ങളുടെയും ഉള്‍ഭാഗത്തെ തൊലിയെ ഏറ്റവുമാദ്യം ബാധിക്കുന്ന ഒരു റെസ്പിറേറ്ററി വൈറസാണ് ഇപ്പോള്‍ മഹാമാരി ഉണ്ടാക്കുന്നത്. ഈ ഭാഗങ്ങളില്‍ പ്രത്യേക ശ്രദ്ധ കൊടുത്ത ശരീരത്തിന്റെ മറ്റു ഭാഗങ്ങളിലും പ്രതിരോധശേഷി ഉണ്ടാക്കും. അതുകൊണ്ട് പേശികളില്‍ കുത്തിവെക്കുന്നതിനെക്കാളും ശ്വാസനാളിയിലേയ്ക്ക് വാക്സിന് നല്‍കിയാല്‍ കൂടുതല്‍ ഫലമുണ്ടാകുമോ എന്ന് കണ്ടെത്തേണ്ടത് അതിപ്രധാനമാണ്.' ഗവേഷണം നയിക്കുന്ന ഡോ. ക്രിസ് ചിയു പറഞ്ഞു.സീസണല്‍ ഫ്‌ലൂവിന് നല്‍കുന്ന വാക്സിന് മൂക്കിലൂടെ സ്‌പ്രേ രൂപത്തില്‍ നല്‍കിയാലും ഗുണമുണ്ടാകുമെന്ന് ഇതിനോടകം കണ്ടെത്തിയിട്ടുള്ളതായി റിപ്പോര്‍ട്ട് ഉണ്ട്. സ്‌പ്രേ രൂപത്തില്‍ ജനങ്ങള്‍ക്ക് വാക്സിന് നല്‍കിയാല്‍ കുത്തിവെക്കുന്നതിനെക്കാള്‍ കുറച്ച് ഡോസ് മാത്രമേ ആവശ്യമായി വരൂ എന്നതിനാല്‍ ഉത്പാദനവും എളുപ്പമാകും. ഇത്തരം പരീക്ഷണങ്ങള്‍ വാക്സിന് ഗവേഷണത്തെയും സഹായിക്കുമെന്നാണ് ഇംപീരിയല്‍ കോളേജ് വാക്സിന് ഗവേഷണസംഘത്തിലെ വിദഗ്ധന്‍ റോബിന്‍ ഷട്ടോക് പറയുന്നത്.
'ചിലപ്പോള്‍ ഒരു കൂട്ടര്‍ക്ക് ശരിയായ വാക്സിന് കൈവശമുണ്ടാകും. പക്ഷെ വാക്സിന് നല്‍കുന്ന രീതി തെറ്റായിരിക്കും. ഇത്തരം പരീക്ഷണങ്ങളിലൂടെ മാത്രമേ അക്കാര്യങ്ങള്‍ വ്യക്തമാകൂ.' അദ്ദേഹം പറഞ്ഞു.അതേസമയം, വാക്സിന് പ്രയോഗിച്ച വോളണ്ടിയറില്‍ ആരോഗ്യപ്രശ്‌നങ്ങള്‍ കണ്ടതിനെത്തുടര്‍ന്ന് താത്കാലികമായി നിര്‍ത്തിവെച്ച് ഓക്‌സ്ഫഡ് സര്‍വകലാശാലയുടെ വാക്സിന് പരീക്ഷണം പുനരാരംഭിച്ചു. വാക്സിന് പരീക്ഷണം വീണ്ടും തുടങ്ങിയ വാര്‍ത്തെയ യുകെ ആരോഗ്യ സെക്രട്ടറി സ്വാഗതം ചെയ്തു. വലിയ തോതില്‍ മൂന്നാം ഘട്ട പരീക്ഷണം നടത്തുമ്പോള്‍ 'ചില വോളണ്ടിയര്‍മാര്‍ക്ക് അസുഖം കണ്ടെത്തിയേക്കുമെന്ന് പ്രതീക്ഷിച്ചിരുന്നതായി' ഓക്‌സ്ഫഡ് സര്‍വകലാശാലയും വ്യക്തമാക്കി.
അതെ സമയം ചൈനയുടെ സ്പ്ര വാക്സിന് നവംബറോടെ ആദ്യഘട്ട ക്ലിനിക്കല്‍ പരീക്ഷണം തുടങ്ങും.സിയാമെന്‍ സര്‍വകലാശാല, ഹോങ്കോങ് സര്‍വകലാശാല, ബെയ്ജിങ് വാന്‍തായ് ബയോളജിക്കല്‍ ഫാര്‍മസി എന്നിവര്‍ ചേര്‍ന്നാണ് വാക്സിന് വികസിപ്പിക്കുന്നത്. ആദ്യഘട്ടത്തില്‍ നൂറ് പേരിലാണ് പരീക്ഷണം. മൂക്കിലൂടെയുള്ള വാക്സിന് എടുക്കുന്നവര്‍ക്ക് കോവിഡില്‍ നിന്നും ഇന്‍ഫഌവെന്‍സ വൈറസുകളായ എച്ച്1 എന്‍1, എച്ച്3 എന്‍2, ബി എന്നീ വൈറസുകളില്‍ നിന്നും അകന്ന് നില്‍ക്കാന്‍ സാധിക്കുമെന്നാണ് ഹോങ്കോങ് സര്‍വകലാശാല പറയുന്നത്. മൂക്കില്‍ സ്‌പ്രേ ചെയ്യുന്ന കൊവിഡ് വാക്സിന് ആദ്യമായാണ് ചൈന പരീക്ഷണാനുമതി നല്‍കുന്നത്.
https://www.facebook.com/Malayalivartha
