യുപിയില്‍ കേബിള്‍ ടി.വി ടെക്​നീഷ്യനാണെന്ന്​ പരിചയപ്പെടുത്തി വീട്ടില്‍ അതി​ക്രമിച്ച്‌​ കയറിയയാള്‍ ദന്തഡോക്​ടറെ കഴുത്തറുത്ത്​ കൊന്നു. 38 കാരിയായ ഡോക്​ടര്‍ നിഷ സിംഗാളാണ്​ കൊല്ലപ്പെട്ടത്​. പ്രതിയെ പൊലീസ്​ അറസ്റ്റ് ചെയ്തു.

​കേബിള്‍ ടി.വി ടെക്​നീഷ്യനാണെന്ന്​ പരിചയപ്പെടുത്തി വീടിനകത്ത്​ കടന്ന അക്രമി നിഷയെ കത്തികൊണ്ട്​ കഴുത്തറുത്ത്​ കൊലപ്പെടുത്തുകയായിരുന്നു ഉണ്ടായത്. ഡോക്​ടറെ കൊലപ്പെടുത്തു​േമ്ബാള്‍ എട്ടും നാലും വയസായ നിഷയുടെ കുട്ടികള്‍ തൊട്ടപ്പുറത്തെ മുറിയിലുണ്ടായിരുന്നു. കുട്ടികളെ ആക്രമിക്കാനും ഇയാള്‍ ശ്രമിക്കുകയുണ്ടായി.

നിഷയുടെ ഭര്‍ത്താവ്​ ​അജയ്​ സിംഗാള്‍ ആശുപത്രിയില്‍ ജോലിക്ക്​ പോയിരുന്ന സമയത്തായിരുന്നു അക്രമം നടന്നത്. നിഷയെ കൊലപ്പെടുത്തിയതി​നുശേഷം ഒരു​ മണിക്കൂറോളം പ്രതി വീട്ടിനുള്ളില്‍ തന്നെയുണ്ടായിരുന്നു. പ്രതി വീട്ടില്‍ കവര്‍ച്ച നടത്താന്‍ ശ്രമിച്ചതായും പൊലീസ്​ പറഞ്ഞു. പ്രതിയുടെ സി.സി.ടി.വി ദൃശ്യങ്ങള്‍ പൊലീസിന്​ കിട്ടിയിരുന്നു.

എന്നാല്‍ അതേസമയം യു.പിയില്‍ അക്രമവും കൊലപാതകവും ഉയരുന്നതിനെതിരെ പ്രതിപക്ഷം പ്രതിഷേധവുമായി രംഗത്തെത്തി.