ഒരു കുഞ്ഞ് ജനിക്കുക എന്നത് എല്ലാവർക്കും സന്തോഷം തരുന്ന ഒന്ന് തന്നെയാണ് ..കുഞ്ഞ് ജനിക്കാന്‍ പോകുന്നുവെന്നറിയുമ്പോള്‍ ഒരുപാട് മുന്നൊരുക്കങ്ങള്‍ നടത്തുന്നവരാണ് ഒട്ടുമിക്ക മാതാപിതാക്കളും. അവര്‍ക്കായി റൂം ഒരുക്കും , കളിപ്പാട്ടങ്ങള്‍ മേടിച്ചു വയ്ക്കും , കുഞ്ഞുടുപ്പുകൾ തയ്പ്പിക്കും അങ്ങനെ പലതും.വിദേശങ്ങളിൽ മാത്രമല്ല ഇപ്പോൾ നമ്മുടെ നാട്ടിലും ഇതെല്ലാം പതിവ് കാഴ്ചകളായി മാറിയിട്ടുണ്ട്

എന്നാൽ പീറ്റര്‍ ഗേയ് എന്ന അച്ഛൻ തന്റെ മകൾക്കായി ഒരുക്കിവെച്ച സർപ്രൈസ് ഇതൊന്നുമായിരുന്നില്ല... അയാള്‍ ജനിക്കാന്‍ പോകുന്ന തന്റെ മകള്‍ക്കായി വലിയൊരു സര്‍പ്രൈസ് തന്നെ ഒരുക്കാന്‍ തീരുമാനിച്ചു. ആ സർപ്രൈസ് ആകട്ടെ മകൾ സ്വയം കണ്ടെത്തിയത് ആറു വർഷം നീണ്ട കാത്തിരിപ്പിന് ശേഷം

ആറാം പിറന്നാളിന്റെ ദിവസം വീട്ടില്‍ ഒരു രഹസ്യമുറിയുണ്ടെന്ന് ആറുവയസുള്ള പെണ്‍കുട്ടി കണ്ടെത്തുന്നു. മകള്‍ രഹസ്യമുറി തുറന്നപ്പോള്‍ സന്തോഷം കൊണ്ട് നിറഞ്ഞൊഴുകിയത് അച്ഛന്റെ കണ്ണുകളാണ്.

തന്റെ ഭാര്യ മകളെ ഗര്‍ഭിണിയായിരിക്കുമ്പോള്‍ വീട്ടില്‍ അവൾക്കായി ഒരു സമ്മാനം ഒളിപ്പിച്ചു വയ്ക്കുന്നതിനുള്ള പദ്ധതി അയാള്‍ ആസൂത്രണം ചെയ്തു.. അയാള്‍ മകള്‍ക്കായി കരുതിവച്ച റൂമില്‍ ഒരു കുഞ്ഞു രഹസ്യ മുറിയുണ്ടാക്കി അവിടെ ഒരു പെട്ടി ഒളിപ്പിച്ചു വച്ചു. ഇത് ആരോടും പറഞ്ഞില്ല...

തന്റെ മകള്‍ക്ക് ആറു വയസ്സ് തികഞ്ഞ ദിവസം മകളോട് റൂം വൃത്തിയാക്കണമെന്ന് ആവശ്യപ്പെട്ടു ..റൂം വൃത്തിയാക്കുന്നതിനിടയില്‍ പഴയ സാധനങ്ങള്‍ ഇട്ടുവച്ചിരുന്ന ഒരു പെട്ടി അവളുടെ കയ്യില്‍ കിട്ടി. അത് തുറന്നു നോക്കിയപ്പോള്‍ അതില്‍ പഴയ തുണിപോലെ എന്തോ ഒന്ന് അവളുടെ ശ്രദ്ധയില്‍ പെട്ടു.

അവള്‍ അതെടുത്ത് തുറന്നു നോക്കിയപ്പോള്‍ സിനിമയിലൊക്കെപ്പോലെയുള്ള നിധി കണ്ടെത്താനുള്ള ഒരു മാപ്പ് ആയിരുന്നു അത്. അത് കുറച്ചു നേരം നോക്കിയപ്പോള്‍ അത് തന്റെ വീടിന്റെ മാപ്പാണെന്നും നിധി തന്റെ റൂമിലാണെന്നും അവള്‍ ആശ്ചര്യത്തോടെ മനസിലാക്കി.

അവള്‍ വളരെ ആവേശ ഭരിതയായി ഒരു വലിയ സാഹസികതയ്ക്ക് തയ്യാറായി അച്ഛനോടും അമ്മയോടും കാര്യം പറഞ്ഞു ... ഇതെല്ലാം കണ്ടു കൊണ്ട് നിന്ന അച്ഛന്‍ അതൊന്നും ശ്രദ്ധിക്കാത്ത മട്ടില്‍ നില്‍ക്കുകയായിരുന്നു

തന്റെ മുറിയില്‍ ഒരു രഹസ്യ അറയുണ്ടെന്നും അതില്‍ നിധിയുണ്ടെന്നും അവള്‍ അച്ഛനോട് പറഞ്ഞു.എങ്കിൽ സ്വയം കണ്ടുപിടിക്കാൻ അയാൾ മകളോട് ആവശ്യപ്പെട്ടു ... അങ്ങനെ മാപ്പ് നോക്കി അവളുടെ മുറിയുടെ ഒരുഭാഗം പൊള്ളയാണെന്ന് മനസിലാക്കി. ആ ഭാഗം മുറിച്ചു മാറ്റാൻ അവൾ വാശിപിടിച്ചു... അയാള്‍ ഒരു കട്ടര്‍ എടുത്തുകൊണ്ടു വന്ന് പൊള്ളയായ ഭാഗത്ത് ഒരു ദ്വാരം ഉണ്ടാക്കിയപ്പോൾ ഒരു രഹസ്യ അറ കണ്ടെത്തി

ഇതുകൂടെ കണ്ടപ്പോള്‍ ആ കുഞ്ഞിന്റെ ആവേശം അതിരുകടന്നു ..അവള്‍ ആ ദ്വാരത്തിലൂടെ അകത്തു കയറി അവിടെ നിധിക്കായി പരിശോധന തുടങ്ങി. അന്വേഷണത്തിനൊടുവിൽ അവിടെ ഒരു മൂലയിലായിരിക്കുന്ന പഴയ ആഭരണപെട്ടി അവള്‍ കണ്ടെത്തി. അത് തുറന്നു നോക്കിയ ആ കുഞ്ഞിന് സന്തോഷം അടക്കാനായില്ല.

അതില്‍ നിറയെ അവൾക്കുള്ള സ്വർണാഭരണങ്ങൾ ആയിരുന്നു. അവള്‍ അതുമായി ഓടിപ്പോയി അമ്മയെയും മുത്തശ്ശിയേയും കാണിച്ചുകൊടുത്തു. എന്നിട്ട് അവള്‍ ആ നിധി കണ്ടെത്തിയ കഥ അവരോടായി വിവരിച്ചു കൊടുത്തു.

തന്റെ മകളുടെ ആവേശവും സന്തോഷവും കണ്ട് ആ അച്ഛന്റെ കണ്ണുകള്‍ നിറഞ്ഞൊഴുകി ...തന്റെ മകള്‍ക്കായി താന്‍ കരുതി വച്ച ആ വ്യത്യസ്തമായ സര്‍പ്രൈസ് ഇത്രയും വലിയ വിജയമാകുമെന്ന് അയാള്‍ പോലും കരുതിയിരുന്നില്ല