ഇന്ത്യ-ന്യൂസിലന്‍ഡ് ട്വന്റി 20 പരമ്പരയ്ക്ക് ഇന്ന് തുടക്കം.... ഇന്ത്യന്‍ ടീമിനെ നയിക്കുന്നത് ഹാര്‍ദിക് പാണ്ഡ്യ
ഇന്ത്യ-ന്യൂസിലന്‍ഡ് ട്വന്റി 20 പരമ്പരയ്ക്ക് ഇന്ന് തുടക്കം. റാഞ്ചിയില്‍ വൈകുന്നേരം ഏഴിനാണ് മത്സരം. ഹാര്‍ദിക് പാണ്ഡ്യയാണ് ഇന്ത്യന്‍ ടീമിനെ നയിക്കുന്നത്.
ഏകദിന പരമ്പര തൂത്തുവാരിയതിന്റെ ആത്മവിശ്വാസവുമായാണ് ഇന്ത്യ ട്വന്റി 20 പരമ്പരയ്ക്കായി ഇറങ്ങുന്നത്. വിരാട് കോഹ്ലി, രോഹിത് ശര്‍മ്മ, മുഹമ്മദ് സിറാജ്, മുഹമ്മദ് ഷമി തുടങ്ങിയ സീനിയര്‍ താരങ്ങള്‍ക്ക് ഇന്ത്യ വിശ്രമം നല്‍കി.
വ്യക്തിപരമായ കാരണങ്ങളാല്‍ കെ എല്‍ രാഹുലും അക്സര്‍ പട്ടേലും പരമ്പരയില്‍ നിന്ന് വിട്ടുനില്‍ക്കുന്നു. ആഭ്യന്തര ക്രിക്കറ്റില്‍ തകര്‍പ്പന്‍ പ്രകടനം തുടരുന്ന പൃഥ്വി ഷാ ഇടവേളയ്ക്ക് ശേഷം ഇന്ത്യന്‍ ടീമില്‍ തിരിച്ചെത്തിയിട്ടുണ്ട്.
റിസര്‍വ് വിക്കറ്റ് കീപ്പറായി യുവതാരം ജിതേഷ് ശര്‍മ്മയും ടീമിലുണ്ട്. ഏകദിന പരമ്പരയിലെ തോല്‍വിക്ക് തിരിച്ചടി നല്‍കുക ലക്ഷ്യമിട്ടാണ് കീവീസ് ഇറങ്ങുന്നത്. ഏകദിന മത്സരങ്ങള്‍ നയിച്ച ടോം ലാതത്തിന് പകരം മിച്ചല്‍ സാന്റ്നറാണ് ട്വന്റി20യില്‍ കീവിസിനെ നയിക്കുക.
"
https://www.facebook.com/Malayalivartha
