ടെസ്റ്റ് ക്രിക്കറ്റിലെ ഏറ്റവും വാശിയേറിയ പോരാട്ടത്തിന്റെ പൊടിപൂരത്തിന് ഇന്ന് തിരി തെളിയും... ഇന്ത്യ ഓസ്ട്രേലിയ മത്സരം ഇന്ന് നാഗ്പൂരില്
ടെസ്റ്റ് ക്രിക്കറ്റിലെ ഏറ്റവും വാശിയേറിയ പോരാട്ടത്തിന്റെ പൊടിപൂരത്തിന് ഇന്നു തിരി കൊളുത്തും. ഇന്ത്യയും ഓസ്ട്രേലിയയും തമ്മിലുള്ള നാല് മത്സര ബോര്ഡര്-ഗാവസ്കര് ട്രോഫി ടെസ്റ്റ് പരമ്പരയിലെ ആദ്യമത്സരം നാഗ്പുരില് ഇന്നു തുടങ്ങും.
ആഷസിനു മുകളിലാണ് ഓസ്ട്രേലിയന് താരങ്ങളെ സംബന്ധിച്ച് ഇന്ത്യന് പര്യടനം എന്ന് ക്രിക്കറ്റ് ഓസ്ട്രേലിയയും ഓസീസ് ടീം അംഗങ്ങളും ഇതിനോടകം വ്യക്തമാക്കിക്കഴിഞ്ഞു. അതുകൊണ്ടുതന്നെ ഇന്നുമുതല് യഥാര്ഥ ക്രിക്കറ്റിന്റെ പരീക്ഷാദിനങ്ങളാണ്.
1998 പര്യടനത്തില് ഷെയ്ന് വോണിന്റെ ദുഃസ്വപ്നമായി സച്ചിന് തെണ്ടുല്ക്കര് മാറിയതും കോല്ക്കത്തയില് രാഹുല് ദ്രാവിഡും വി.വി.എസ്. ലക്ഷ്മണും മതില് തീര്ത്തതുമെല്ലാം ഓസ്ട്രേലിയയുടെ ഇന്ത്യന് പര്യടനത്തിലെ ആവേശ ഓര്മകളാണ്.
ഐസിസി ലോക ടെസ്റ്റ് ക്രിക്കറ്റ് ഫൈനലിനുള്ള ടിക്കറ്റ് സ്വന്തമാക്കാന് ഇന്ത്യക്ക് ഈ പരന്പര ചുരുങ്ങിയത് 3-1നെങ്കിലും സ്വന്തമാക്കണം. നിലവില് ഓസ്ട്രേലിയയും ഇന്ത്യയുമാണ് പോയിന്റ് ടേബിളില് യഥാക്രമം ആദ്യ രണ്ട് സ്ഥാനങ്ങളില്. അല്ലാത്ത പക്ഷം മറ്റു ടീമുകളുടെ മത്സരഫലം അനുസരിച്ചായിരിക്കും ഇന്ത്യയുടെ ഫൈനല് പ്രവേശം സാധ്യമാകുക.
"
https://www.facebook.com/Malayalivartha
