ഇന്ത്യൻ ഫുഡ്‌ബോളിന് നിരവധി അതുല്യ പ്രതിഭകളെ സമ്മാനിക്കാൻ തീരദേശത്തിന് കഴിഞ്ഞിട്ടുണ്ട് എന്നത് ഏറെ അഭിമാനകരമായ കാര്യമാണ്. അതിൽതന്നെ നിരവധി താരങ്ങളെ വളർത്തിയെടുക്കുന്നതിൽ മര്യനാട് എന്ന ഗ്രാമവും ഏറെ പങ്കുവഹിച്ചിട്ടുണ്ട്. ഈ ഉദ്യമങ്ങൾക്ക് ശക്തി പകരുന്ന പ്രവർത്തനങ്ങളാണ് എഫ്‌സി മര്യനാട് നടത്തിവരുന്നത്. ഇതിന്റെ ഭാഗമായി 14,15,16 തിയതികളിൽ കാൽപ്പന്തുകളിയുടെ ആവേശം വിളിച്ചോതുന്ന ഒരു ഫൈവ്‌സ് ഫുഡ്‌ബോൾ മാമാങ്കം സങ്കടിപ്പിക്കുന്നു. മര്യനാട് പള്ളി മൈതാനത്ത് ഇന്ന് വൈകിട്ട് ആറ് മണിയോടെയാകും ടുർണമെന്റിന് തിരിതെളിയക. വളർന്നു വരുന്ന പ്രതിഭകൾക്ക് ആവേശം പകരാനായി സൗജന്യ ഫുഡ്‌ബോൾ കിറ്റുകളും വിതരണം ചെയ്യുന്നു. ഒപ്പം നിരവധി ജീവകാരുണ്യ പ്രവർത്തനങ്ങളും ഈ ഫുഡ്‌ബോൾ ക്ലബിന്റെ കീഴിൽ നടത്താൻ അധികൃതർ പദ്ധതിയിടുന്നു.

ഒരു കൂട്ടം യുവാക്കളുടെ പരിശ്രമം കൊണ്ട് വളർന്നു വന്ന എഫ്.സി മര്യനാട് നടത്തുന്ന ആദ്യ ഫുഡ്‌ബോൾ ടൂർണമെന്റിന് നിരവധി പ്രമുഖരുടെ അഭിന്ദനവും ലഭിക്കുന്നുണ്ട്. ടൂർണമെന്റിന് ആശംസകൾ അർപ്പിച്ചുകൊണ്ട് രാജ്യാന്തര താരങ്ങളായ, ജോബി മൈക്കിൾ സൂസൈരാജ്, എന്നിവരെ കൂടാതെ രാഷ്ട്രീയ നേതാക്കളായ എം വിൻസെന്റ്, കെഎസ് ശബരിനാഥ് എന്നിവരും രംഗത്തുവന്നിരുന്നു.