കേരള സര്‍വകലാശാല താരമായ സയനയിലൂടെ 80ാമത് അഖിലേന്ത്യാ അന്തര്‍ സര്‍വകലാശാല അത്‌ലറ്റിക് മീറ്റിന്റെ മൂന്നാം ദിനം കേരളത്തിന് ആദ്യ സ്വര്‍ണം. വെള്ളിയാഴ്ച നടന്ന വനിതകളുടെ 400 മീ. ഹര്‍ഡില്‍സിനിടെയാണ് ഹര്‍ഡിലില്‍ തട്ടി സയന ട്രാക്കില്‍ വീണത്. കണ്ണീരോടെ ട്രാക്കുവിട്ട സയന പൂര്‍വാധികം ശക്തിയോടെ ശനിയാഴ്ച വൈകിട്ടു നടന്ന വനിതകളുടെ 400 മീറ്ററില്‍ 54.57 സെക്കന്‍ഡില്‍ സ്വര്‍ണത്തിലേക്ക് കുതിച്ചു.

തിരുവനന്തപുരം നിറമണ്‍കര സ്വദേശിനിയായ സയന കൊല്ലം എസ്.എന്‍ കോളജിലെ ഒന്നാം വര്‍ഷ എം.കോം വിദ്യാര്‍ഥിനിയാണ്. മെഡല്‍ ക്ഷാമത്തിന് അറുതി രണ്ടുദിവസമായി കേരളത്തില്‍നിന്നുള്ള സര്‍വകലാശാലകളിലെ മെഡല്‍ ക്ഷാമത്തിന് അറുതിയായി മൂന്നാം ദിനത്തിലെ മുന്നേറ്റം.

400 മീറ്റര്‍ ഹര്‍ഡില്‍സിനൊപ്പം 4ഃ100 പുരുഷ റിലേയിലും സ്വര്‍ണമണിഞ്ഞാണ് കേരള സര്‍വകലാശാല തിളങ്ങിയത്. ശനിയാഴ്ച രണ്ടു സ്വര്‍ണവും മൂന്നു വീതം വെള്ളിയും വെങ്കലവും ഉള്‍പ്പെടെ എട്ടു മെഡലുകളാണ് കേരളത്തില്‍നിന്നുള്ള സര്‍വകലാശാലകള്‍ നേടിയത്. ഇതോടെ ആകെ മെഡല്‍ നേട്ടം പത്തായി.