പെനാല്‍റ്റി ഷൂട്ടൗട്ട് വരെ നീണ്ട ഫൈനല്‍ മത്സരത്തില്‍ സ്പാനിഷ് സൂപ്പര്‍ കപ്പ് റയല്‍ മാഡ്രിഡിന്. കിങ് അബ്ദുല്ല സ്‌പോര്‍ട്‌സ് സിറ്റിയില്‍ നടന്ന മത്സരത്തില്‍ ഒന്നിനെതിരെ നാലു ഗോളുകള്‍ക്കാണ് അത്‌ലറ്റികോ മാഡ്രിഡിനെ റയല്‍ പരാജയപ്പെടുത്തിയത്. നിശ്ചിത സമയത്തും ഇരു ടീമുകള്‍ക്കും ഗോളൊന്നും നേടാനായില്ല. ഇതോടെ കളി എക്‌സ്ട്രാ ടൈമിലേക്ക് നീണ്ടു.
കാര്‍വഹാള്‍, റോഡ്രിഗോ, മോഡ്രിച്, റാമോസ് എന്നിവര്‍ റയലിനു വേണ്ടി പെനാല്‍റ്റി ലക്ഷ്യത്തിലെത്തിച്ചു. എന്നാല്‍, ട്രിപ്പിയറിനു മാത്രമാണ് അത്‌ലറ്റികോ മാഡ്രിഡില്‍ പെനാല്‍റ്റി ലക്ഷ്യത്തിലെത്തിക്കാനായത്. ലാലിഗ ജേതാക്കളായ ബാഴ്‌സലോണയെ അത്‌ലറ്റികോ മഡ്രിഡും കിങ്‌സ് കപ്പ് ചാമ്പ്യന്മാരായ വലന്‍സിയയെ റയല്‍ മഡ്രിഡും തകര്‍ത്താണ് ഫൈനലിലെത്തിയത്. റയലിന്റെ 11-ാം സ്പാനിഷ് സൂപ്പര്‍ കപ്പ് കിരീടമാണിത്.