വനിതകളുടെ ട്വന്റി 20 ക്രിക്കറ്റ് ലോകകപ്പിനുള്ള ഇന്ത്യന്‍ ടീമിനെ ഹര്‍മന്‍പ്രീത് കൗര്‍ നയിക്കും. ബംഗാളില്‍നിന്നുള്ള റിച്ച ഘോഷ് മാത്രമാണ് ടീമിലെ പുതുമുഖം. ഹരിയാണ സ്വദേശിയായ 15-കാരി ഷെഫാലി വര്‍മ ടീമില്‍ ഇടംപിടിച്ചു. ഫെബ്രുവരി 21 മുതല്‍ ഓസ്‌ട്രേലിയയിലാണ് ലോകകപ്പ്. ഇക്കഴിഞ്ഞ ചാലഞ്ചര്‍ ട്രോഫിയിലെ മികച്ച പ്രകടനം 16-കാരിയായ റിച്ചയ്ക്ക് ടീമില്‍ ഇടംനേടിക്കൊടുത്തു. ലോകകപ്പിനുമുമ്ബ് ഓസ്‌ട്രേലിയയില്‍ നടക്കുന്ന ത്രിരാഷ്ട്ര ടൂര്‍ണമെന്റിലും ഇന്ത്യയെ ഹര്‍മന്‍പ്രീത് നയിക്കും.
ഓസ്‌ട്രേലിയ, ഇംഗ്ലണ്ട് ടീമുകളും പരമ്ബരയില്‍ കളിക്കുന്നുണ്ട്. 30-കാരിയായ ഹര്‍മന്‍പ്രീത്, 2009-മുതല്‍ ഇന്ത്യയ്ക്കുവേണ്ടി കളിക്കുന്നു. 100 ട്വന്റി കളിച്ച ആദ്യ ഇന്ത്യന്‍ താരവും ട്വന്റി 20യില്‍ സെഞ്ചുറി നേടിയ ആദ്യ വനിതാതാരവുമാണ് ഈ പഞ്ചാബുകാരി.