ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റി, ആഴ്‌സനല്‍, എവര്‍ട്ടണ്‍ ടീമുകള്‍ക്ക് സമനില. 90ാം മിനിറ്റില്‍ ഫെര്‍ണാണ്ടിഞ്ഞോയുടെ സെല്‍ഫ് ഗോളിലാണ് സിറ്റി ക്രിസ്റ്റല്‍ പാലസിനോട് 2-2ന് സമനിലയില്‍ കുരുങ്ങിയത്. സിറ്റിക്കായി സെര്‍ജിയോ അഗ്യൂറോ ഇരട്ടഗോള്‍ നേടി.

ഷെഫീല്‍ഡ് യുനൈറ്റഡാണ് ആഴ്‌സനലിനെ 1-1ന് തളച്ചത്. ആഴ്‌സനലിനായി ഗബ്രിയേല്‍ മാര്‍ടിനെല്ലിയും ഷെഫീല്‍ഡിനായി ജോണ്‍ ഫ്‌ലെക്കും ഗോള്‍ നേടി.എവര്‍ട്ടണിനെ വെസ്റ്റ്ഹാമും ആസ്റ്റണ്‍ വില്ലയെ ബ്രൈറ്റണും 1-1ന് സമനിലയില്‍ കുരുക്കി. മറ്റ് മത്സരങ്ങളില്‍ വോള്‍വ്‌സ് 3-2 സതാംപ്റ്റണെയും നോര്‍വിച് സിറ്റി 1-0ത്തിന് ബേണ്‍മൗത്തിനെയും തോല്‍പിച്ചു. 23 മത്സരങ്ങളില്‍നിന്ന് 48 പോയന്റുമായി സിറ്റി രണ്ടാമതാണ്.