ഇംഗ്ലീഷ് പ്രീമിയര്‍ ലീഗില്‍ മികച്ച പ്രകടനം കാഴ്ച്ചവെച്ച് മുന്നേറുന്ന ലിവര്‍പൂളിന് ആശങ്കയായി സൂപ്പര്‍ സ്ട്രൈക്കര്‍ സാദിയോ മാനെയ്ക്ക് പരിക്ക്. കഴിഞ്ഞദിവസം വോള്‍വസിനെതിരെ നടന്ന മത്സരത്തിനിടെയായിരുന്നു മാനെയ്ക്ക് പരിക്കേറ്റത്.മാനെയുടെ പരിക്ക് ഗുരുതരമല്ലെന്നാണ് പ്രതീക്ഷിക്കുന്നതെന്ന് പരിശീലകന്‍ യര്‍ഗന്‍ ക്ലോപ്പ് പറഞ്ഞു. കൂടുതല്‍ പരിശോധനകള്‍ നടത്തേണ്ടതുണ്ട്.
ഏതു കളിക്കാരനും ഇത്തരമൊരു പരിക്കുവരാനുള്ള സാധ്യതയുണ്ടെന്നും അദ്ദേഹം ചൂണ്ടിക്കാട്ടി. അതേസമയം, അടുത്ത മൂന്ന് കളികളെങ്കിലും മാനെയ്ക്ക് നഷ്ടമാകുമെന്നാണ് സൂചന.