2020 ഐപിഎല് സീസണില് സണ്റൈസേഴ്സ് ഹൈദരാബാദിനെ നയിക്കാന് ഡേവിഡ് വാര്ണര്
2020 ഐപിഎല് സീസണില് സണ്റൈസേഴ്സ് ഹൈദരാബാദിനെ നയിക്കാന് ഡേവിഡ് വാര്ണര് . പന്ത് ചുരണ്ടല് വിവാദത്തില് ഉള്പ്പെട്ട വാര്ണറെ കഴിഞ്ഞ വര്ഷം നായക സ്ഥാനത്ത് നിന്നും ടീം മാനേജ്മെന്റ് മാറ്റിയിരുന്നു. ന്യൂസിലന്ഡ് ക്യാപ്റ്റന് കെയ്ന് വില്യംസനാണ് കഴിഞ്ഞ സീസണില് ടീമിനെ നയിച്ചത്. എന്നാല് അന്താരാഷ്ട്ര ക്രിക്കറ്റിലേക്ക് മടങ്ങിയെത്തി മികച്ച ഫോമില് കളിക്കുന്ന വാര്ണര്ക്ക് നായക പദവി നല്കാന് സണ്റൈസേഴ്സ് തീരുമാനിക്കുകയായിരുന്നു. 2018ല് വില്യംസണിന്റെ കീഴില് സണ്റൈസേഴ്സ് ഫൈനലില് എത്തിയിരുന്നു.
മുംബൈയില് നടന്ന ഫൈനലില് പക്ഷേ, ചെന്നൈ സൂപ്പര് കിംഗ്സിനോട് തോല്വി ഏറ്റുവാങ്ങുകയായിരുന്നു. എന്നാല് 2015-17 കാലഘട്ടത്തില് ടീമിനെ നയിച്ച വാര്ണര് 2016-ല് സണ്റൈസേഴ്സിനെ ചാമ്പ്യന്മാരാക്കി. തുടര്ന്നാണ് പന്ത് ചുരണ്ടല് വിവാദമുണ്ടായത്. മാര്ച്ച് 29-നാണ് ഐപിഎല് 2020 സീസണ് തുടങ്ങുന്നത്. നായക പദവി ലഭിച്ചതില് വലിയ സന്തോഷമുണ്ടെന്ന് വാര്ണര് പ്രതികരിച്ചു.
https://www.facebook.com/Malayalivartha