ബാഴ്സലോണയ്ക്ക് ലീഗിന്റെ തലപ്പത്ത് കൂടുതല് സമ്മര്ദ്ദങ്ങള് നല്കുകയാണ് റയല് മാഡ്രിഡ്
ബാഴ്സലോണയ്ക്ക് ലീഗിന്റെ തലപ്പത്ത് കൂടുതല് സമ്മര്ദ്ദങ്ങള് നല്കുകയാണ് റയല് മാഡ്രിഡ്. ഇന്നലെ കടുപ്പമേറിയ വലന്സിയക്ക് എതിരായ മത്സരവും റയല് മാഡ്രിഡ് വിജയിച്ചു. ഏകപക്ഷീയമായ മത്സരത്തില് എതിരില്ലാത്ത മൂന്ന് ഗോളുകള്ക്കാണ് റയല് മാഡ്രിഡ് വിജയിച്ചത്. ബെന്സീമയുടെ ഇരട്ട ഗോളുകളാണ് സിദാന്റെ ടീമിന് വലിയ വിജയം നല്കിയത്.ഗോള് ഇല്ലാത്ത ആദ്യ പകുതിക്ക് ശേഷം 61ആം മിനുട്ടില് ആയിരുന്നു ബെന്സീമയുടെ ആദ്യ ഗോള്. ഹസാര്ഡിന്റെ പാസില് നിന്നായിരുന്നു ഗോള്.
പിന്നാലെ 74ആം മിനുട്ടില് അസന്സിയോ റയലിന്റെ ലീഡ് ഇരട്ടിയാക്കി. നീണ്ട കാലത്തെ പരിക്ക് മാറിയെത്തിയ അസന്സിയോയുടെ ആദ്യ ഗോളാണിത്. 86ആം മിനുട്ടില് ബെന്സീമ റയലിന്റെ മൂന്ന് പോയന്റ് ഉറപ്പിച്ച മൂന്നാം ഗോളും നേടി.ഈ വിജയത്തോടെ റയല് മാഡ്രിഡിന് 29 മത്സരങ്ങളില് 62 പോയന്റായി. ഒന്നാമതുള്ള ബാഴ്സലോണക്ക് 64 പോയന്റാണ് ഉള്ളത്.
"
https://www.facebook.com/Malayalivartha