ബ്രിട്ടീഷ് ബ്രോഡ്കാസ്റ്റിങ് കോര്‍പ്പറേഷന്റെ (ബിബിസി) ഇന്ത്യയിലെ മികച്ച കായികതാരമായി ലോംങ് ജംപ്‌ താരം അഞ്ജു ബോബി ജോര്‍ജ്
ബ്രിട്ടീഷ് ബ്രോഡ്കാസ്റ്റിങ് കോര്‍പ്പറേഷന്റെ (ബിബിസി) ഇന്ത്യയിലെ മികച്ച കായികതാരമായി ലോംങ് ജംപ്‌ താരം അഞ്ജു ബോബി ജോര്‍ജ് തിരഞ്ഞെടുക്കപ്പെട്ടു.ബിബിസിയുടെ ഈ വര്‍ഷത്തെ ആജീവനാന്ത പുരസ്‌കാരമാണ് മലയാളിയായ അഞ്ജു ബി. ജോര്‍ജിനെ തേടിയെത്തിയത്.
2003-ല്‍ പാരീസില്‍ നടന്ന ലോക അത്ലറ്റിക് ചാമ്ബ്യന്‍ഷിപ്പില്‍ 6.70 മീറ്റര്‍ ദൂരം മറികടന്ന് വെങ്കലം നേടിയ അഞ്ജു, ലോക അത്ലറ്റിക് ചാമ്ബ്യന്‍ഷിപ്പില്‍ മെഡല്‍ നേടിയ ഒരേയൊരു ഇന്ത്യക്കാരിയാണ്.
ഒളിമ്പിക്സിലും ശ്രദ്ധേയ പ്രകടനം നടത്തി. ലോക റാപ്പിഡ് ചെസ് കിരീടം നേടിയ കൊനേരു ഹംപി ഈ വര്‍ഷത്തെ മികച്ചതാരമായി തിരഞ്ഞെടുക്കപ്പെട്ടപ്പോള്‍ ഷൂട്ടിങ്ങിലെ മനു ഭേക്കര്‍ മികച്ച ഭാവിതാരമായി.
മലയാളി ഒളിമ്ബ്യന്‍ പി.ടി. ഉഷയ്ക്കായിരുന്നു കഴിഞ്ഞ വര്‍ഷം ബി.ബി.സി. ലൈഫ് ടൈം അച്ചീവ്മെന്റ് പുരസ്കാരം. ദേശീയ അത്ലറ്റിക് ഫെഡറേഷന്റെ സീനിയര്‍ വൈസ് പ്രസിഡന്റ് കൂടിയാണ് അഞ്ജു.
കോട്ടയം ചങ്ങനാശ്ശേരി ചീരഞ്ചിറ സ്വദേശിയായ അഞ്ജു ഭര്‍ത്താവും പരിശീലകനുമായ റോബര്‍ട്ട് ബോബി ജോര്‍ജിനൊപ്പം ഇപ്പോള്‍ ബെംഗളൂരുവില്‍ പരിശീലന രംഗത്തുണ്ട്.
"
https://www.facebook.com/Malayalivartha
