സൈന നെഹ്വാളിന്റെ വിജയക്കുതിപ്പ് തുടരുന്നു.... യുഎസ്എയുടെ ഐറിസ് വാങ്ങിനെ കടുത്ത പോരാട്ടത്തില് കീഴടക്കി സൈന സെമിയില്
ഒര്ലീന്സ് മാസ്റ്റേഴ്സില് സൈന നെഹ്വാളിന്റെ വിജയക്കുതിപ്പ് തുടരുന്നു. യുഎസ്എയുടെ ഐറിസ് വാങ്ങിനെ കടുത്ത പോരാട്ടത്തില് കീഴടക്കി സൈന സെമി പ്രവേശിച്ചു.
എന്നാല് പുരുഷ വിഭാഗത്തില് ഇന്ത്യക്ക് തിരിച്ചടി നേരിടേണ്ടി വന്നു. കിടമ്ബി ശ്രീകാന്ത് ടൂര്ണമെന്റില് നിന്ന് പുറത്തായി.രണ്ട് വര്ഷത്തിനു ശേഷമാണ് സൈന ഒരു ടൂര്ണമെന്റിന്റെ സെമിയിലെത്തുന്നത്.
ടോക്കിയോ ഒളിമ്ബിക്സിന് തയ്യാറെടുക്കുന്ന താരത്തിന് ഒര്ലീന്സ് മാസ്റ്റേഴ്സിലെ കുതിപ്പ് ആത്മവിശ്വാസം പകരും. 2019 ല് ഇന്തോനേഷ്യന് മാസ്റ്റേഴ്സിലാണ് സൈന അവസാനമായി ഒരു കിരീടം നേടിയത്.
ഒരു മണിക്കൂര് നീണ്ടു നിന്ന പോരാട്ടത്തിനൊടുവിലാണ് ലോക 36-ാം റാങ്കുകാരിയായ വാങ്ങിനെ സൈന കീഴടക്കിയത്. ആദ്യ സെറ്റ് 21-19 താരം സ്വന്തമാക്കി. എന്നാല് രണ്ടാം സെറ്റ് പിടിച്ചെടുത്ത് വാങ് മത്സരത്തിലേക്ക് തിരിച്ചുവന്നു.
നിര്ണായകമായ മൂന്നാം സെറ്റും 21-19ന് നേടിയാണ് സൈന സെമി ഉറപ്പിച്ചത്. ലോക നാലാം നമ്ബറായ സൈന ലിന് ക്രിസ്റ്റോഫേഴ്സണ്-ഇര ശര്മ മത്സരത്തിലെ വിജയിയെയാകും ഫൈനലിനായുള്ള പോരാട്ടത്തില് സൈന നേരിടുക.
"
https://www.facebook.com/Malayalivartha