സാനിയ മിര്സക്ക് പുതിയ കോച്ച്... കോച്ചിനെ കണ്ട് ഞെട്ടി ആരാധകര്; സാനിയയുടെ പിതാവും കോച്ചുമായ ഇമ്രാന് മിര്സ പങ്കുവെച്ച വീഡിയോ വൈറലായി , ഒപ്പം വിഡിയോയുടെ തലക്കെട്ടും
ടെന്നിസ് താരം സാനിയ മിര്സക്ക് പുതിയ കോച്ച്. സ്വന്തം അച്ഛനെ കോച്ച് സ്ഥാനത്ത് നിന്ന് സാനിയ മാറ്റിയോ. ഈ വാര്ത്ത കേള്ക്കുന്നവര്ക്ക് ആദ്യം തോന്നാം. പക്ഷേ കാര്യങ്ങള് അങ്ങനെയല്ല. അമ്മക്കൊപ്പം ടെന്നിസ് പ്രാക്ടീസ് ചെയ്യുന്ന മകന് ഇസാന് മിര്സ വീഡിയോക്ക് അപ്പുപ്പന് ഇമ്രാന് മിര്സ ഇട്ട തലക്കെട്ടാണിത്. സാനിയയുടെ പിതാവ് ഇമ്രാന് മിര്സ പങ്കുവെച്ച ഇസാന്റെ ഏറ്റവും പുതിയ വീഡിയോയാണ് സോഷ്യല് മീഡിയയില് വൈറലാകുന്നത്.
സാനിയയുടേയും ഇസാന്റേയും പ്രാക്ടീസ് സെഷന്റെ ഒരു വീഡിയോയാണ് ഇമ്രാന് മിര്സ പങ്കുവച്ചത്. ഇഷാന് അമ്മയുടെ പരീശീലകന്റെ സ്ഥാനം ഏറ്റടുത്തിരിയ്ക്കുകയാണെന്നാണ് ഇമ്രാന് മിര്സ പറയുന്നത്. പ്രാക്ടീസ് സെക്ഷനില് ഇഷാന് അമ്മയ്ക്ക് ടെന്നീസ് പന്തുകള് കൈമാറുന്നതാണ് വീഡിയോയില്. ഈ കുട്ടി പരിശീലകന് കാരണം തന്റെ കോച്ചിങ് ജോലി നഷ്ടപ്പെടുമെന്നും അദ്ദേഹം പറയുന്നു. ആരാധകരും നിമിഷങ്ങള്ക്കകം ഈ വീഡിയോ ഏറ്റെടുത്തിരിയ്ക്കുകയാണ്. ഇഷാന് സൂപ്പര് കോച്ചാണെന്നും ടെന്നീസ് അവന്റെ രക്തത്തില് അലിഞ്ഞിരിയ്ക്കുകയാണെന്നുമാണ് ആരാധകര് പറയുന്നത്.
സാനിയ മിര്സ, ഷൊഹൈബ് മാലിക്ക് എന്നിവരെ പോലെ മകന് ഇസാനും ഇപ്പോള് നിരവധി ആരാധകരാണുള്ളത്. സോഷ്യല് മീഡിയയില് ഇസാന്റെ വിശേഷങ്ങളൊക്കെ സാനിയ പങ്കുവെയ്ക്കാറുണ്ട്.
https://www.facebook.com/Malayalivartha