ഒളിമ്പിക്‌സില്‍ ഇന്ത്യയുടെ മെഡല്‍ സ്വപ്നങ്ങള്‍ക്ക് ചിറകുപകര്‍ന്ന് നാലു വനിതാ താരങ്ങള്‍. ബോക്‌സിംഗില്‍ ഇന്നലെ പൂജാ റാണി ക്വാര്‍ട്ടറിലെത്തിയപ്പോള്‍ ഇന്ന് പ്രീ ക്വാര്‍ട്ടര്‍ പോരാട്ടത്തിനിറങ്ങുകയാണ് എം.സി മേരികോം. ബാഡ്മിന്റണില്‍ പി.വി സിന്ധുവും ആര്‍ച്ചറിയില്‍ ദീപിക കുമാരിയുമാണ് പ്രീ ക്വാര്‍ട്ടറിലേക്ക് കടന്ന മറ്റ് രണ്ട് ഇന്ത്യന്‍ താരങ്ങള്‍.

75കിലോഗ്രാം പ്രീ ക്വാര്‍ട്ടറില്‍ അള്‍ജീരിയയുടെ ഇച്‌റാക്ക് ചായ്ബിനെ 50ത്തിന് തോല്‍പ്പിച്ചാണ് പൂജാറാണി അവസാന എട്ടില്‍ ഇടം പിടിച്ചത്. ക്വാര്‍ട്ടറില്‍ ജയിച്ചാല്‍ പൂജയ്ക്ക് മെഡലുറപ്പ്.

ബാഡ്മിന്റണില്‍ പി.വി സിന്ധു ഇന്നലെ ഗ്രൂപ്പ് സ്‌റ്റേജിലെ രണ്ടാം മത്സരത്തില്‍ ഹോംഗ്‌കോംഗിന്റെ യി ചെയുംഗിനെ 219,2116ന് തോല്‍പ്പിച്ചാണ് പ്രീ ക്വാര്‍ട്ടറിന് യോഗ്യത നേടിയത്.

ഇന്ന് രാവിലെ 6.15ന് ഡെന്മാര്‍ക്കിന്റെ മിയാ ബ്‌ളിച്ച്‌ഫെല്‍റ്റിനെതിരെയാണ് സിന്ധുവിന്റെ പ്രീ ക്വാര്‍ട്ടര്‍ മത്സരം. ഇന്നലെ ആദ്യറൗണ്ടില്‍ ഭൂട്ടാന്‍കാരി കര്‍മ്മയെയും രണ്ടാം റൗണ്ടില്‍ അമേരിക്കക്കാരി ജെന്നിഫറിനെയും തോല്‍പ്പിച്ചാണ് ദീപിക വെള്ളിയാഴ്ച നടക്കുന്ന പ്രീ ക്വാര്‍ട്ടറിലേക്ക് യോഗ്യത നേടിയത്.
ഇന്ത്യന്‍ സമയം ഇന്ന് വൈകിട്ട് 3.36ന് നടക്കുന്ന പ്രീ ക്വാര്‍ട്ടര്‍ പോരാട്ടത്തില്‍ മേരികോം കൊളംബിയയുടെ ഇന്‍ഗ്രിറ്റ് വലന്‍സിയയെയാണ് നേരിടുന്നത്. 

 "