പുരുഷ ഹോക്കിയില്‍ തകര്‍പ്പന്‍ പ്രകടനവുമായി ഇന്ത്യ... അര്‍ജന്റീനയെ ഒന്നിനെതിരേ മൂന്നു ഗോളുകള്‍ക്ക് തകര്‍ത്തത് ഇന്ത്യന്‍ പുരുഷ ടീം ക്വാര്‍ട്ടറില്‍
പുരുഷ ഹോക്കിയില്‍ തകര്‍പ്പന്‍ പ്രകടനവുമായി ഇന്ത്യ. നിലവിലെ ജേതാക്കളായ അര്‍ജന്റീനയെ ഒന്നിനെതിരേ മൂന്നു ഗോളുകള്‍ക്ക് തകര്‍ത്തത് ഇന്ത്യന്‍ പുരുഷ ടീം ക്വാര്‍ട്ടറില്‍ പ്രവേശിച്ചു.
ഗോള്‍രഹിതമായ ആദ്യ രണ്ട് ക്വാര്‍ട്ടറുകള്‍ക്ക് ശേഷം 43ാം മിനിറ്റില്‍ വരുണ്‍ കുമാറാണ് ഇന്ത്യയെ മുന്നിലെത്തിച്ചത്. അഞ്ചു മിനിറ്റിന് ശേഷം പെനാല്‍റ്റി കോര്‍ണറിലൂടെ മൈക്കോ കാസെല്ല അര്‍ജന്റീനയെ ഒപ്പമെത്തിച്ചു.
മത്സരം അവസാനിക്കാന്‍ മിനിറ്റുകള്‍ മാത്രം ബാക്കിനില്‍ക്കേ 58ാം മിനിറ്റില്‍ വിവേക് സാഗര്‍ ഇന്ത്യയുടെ രണ്ടാം ഗോള്‍ നേടി.
അര്‍ജന്റീനയ്ക്ക് നിലയുറപ്പിക്കാന്‍ പോലും സമയം നല്‍കാതെ തൊട്ടടുത്ത മിനിറ്റില്‍ പെനാല്‍റ്റി കോര്‍ണര്‍ ലക്ഷ്യത്തിലെത്തിച്ച് ഹര്‍മന്‍പ്രീത് സിങ് ഇന്ത്യയുടെ ജയമുറപ്പിച്ചു.
നേരത്തെ ആദ്യ മത്സരത്തില്‍ ന്യൂസീലന്‍ഡിനെ തോല്‍പ്പിച്ച (32) ഇന്ത്യ രണ്ടാം മത്സരത്തില്‍ ഓസീസിനോട് 71ന് തോറ്റിരുന്നു. തുടര്‍ന്ന് സ്‌പെയ്‌നിനെ എതിരില്ലാത്ത മൂന്നു ഗോളിന് തകര്‍ത്തു.
"
https://www.facebook.com/Malayalivartha
