'നമ്മള് വേര്പിരിഞ്ഞതിൽ ഞാന് ഖേദിക്കുന്നു'; ഒളിംപിക്സ് മെഡല് ജേതാവിന്റെ മുന് കാമുകി വേര്പിരിഞ്ഞതില് നിരാശ പ്രകടിപ്പിച്ച് രംഗത്ത്
നിലവില് ലോകത്തെ ചൂടന് ചര്ച്ചാ വിഷയം ഒളിംപിക്സാണെന്നതില് തര്ക്കമൊന്നുമില്ലല്ലോ? ഒരുപാട് മനോഹരമായ നിമിഷങ്ങള്ക്കാണ് ഈ വര്ഷത്തെ സമ്മര് ഒളിംപിക്സ് സാക്ഷ്യം വഹിച്ചത്. ഇതില് പല രംഗങ്ങളും സമൂഹ മാധ്യമങ്ങള് ഏറ്റുപിടിച്ചുണ്ട്. ഈയടുത്ത് ഒരു അര്ജന്റീനിയന് അത്ലറ്റ് തത്സമയ സംപ്രേഷണത്തിനിടെ കോച്ചിന്റെ വിവാഹാഭ്യര്ത്ഥന സ്വീകരിച്ചത് വാര്ത്തയായിരുന്നു. അതുപോലെ സര്ണ മെഡല് നേടിയ ഒരു നീന്തല് താരം ആവേശത്തിനിടെ ഒരു മോശമായ പദം പ്രയോഗിച്ചതും സമൂഹ മാധ്യമങ്ങളില് ചര്ച്ചയായിരുന്നു.
എന്നാല് ആദ്യമായിട്ട് ഒരു ഒളിംപിക്സ് താരത്തിന്റെ മുന് കാമുകി അദ്ദേഹവുമായി വേര്വിരിഞ്ഞതില് ഖേദപ്രകടനവുമായി രംഗത്തെത്തിയിരിക്കുകയാണ്. ന്യൂസിലാന്റ് അത്ലറ്റായ ഹെയ്ഡന് വൈല്ഡ് ഈ വര്ഷത്തെ ഒളിംപിക്സില് ട്രയത്ലോണില് വെങ്കലം നേടിയിരുന്നു. തന്റെ കുട്ടിക്കാലം മുതലുള്ള സ്വപ്നം സാക്ഷാല്ക്കരിച്ച വൈല്ഡിനെ പ്രശംസിച്ച് നിരവധി പേരാണ് രംഗത്തെത്തിയത്.
എന്നാല് രസകരമെന്നോളം താരത്തിന്റെ സ്കൂള് കാലത്തെ കാമുകി അദ്ദേഹത്തെ ഉപേക്ഷിച്ചതില് നിരാശ രേഖപ്പെടുത്തി രംഗത്തെത്തി.
വൈല്ഡ് മെഡല് നേടിയതിന് പിന്നാലെ 1News എന്ന പ്രാദേശിക ചാനല് ന്യൂസിലാന്റിലെ ബെയ് ഓഫ് പ്ലെന്റി എന്ന സ്ഥലത്തെ നിരവധി ആളുകളുമായി സംവദിക്കുന്ന പരിപാടി സംപ്രേഷണം ചെയ്തിരുന്നു. വൈല്ഡിന്റെ ആരാധകരുമായും ഇഷ്ടപ്പെടുന്നവരുമായും സംസാരിക്കുക എന്നതായിരുന്നു പരിപാടി കൊണ്ട് അണിയറ പ്രവര്ത്തകര് ഉദ്ദേശിച്ചത്. ഇതിനിടെയാണ് വൈല്ഡിന്റെ മുന്കാമുകി മൈക്കെടുത്തത്.
വൈല്ഡുമായി വേര്പിരിഞ്ഞതില് നിരാശ പ്രകടിപ്പിക്കാന് കാമുകി മടിച്ചില്ല എന്നതാണ് ഏറെ രസകരം. ഇരുവരും പ്രൈമറി സ്കൂളില് ഒരുമിച്ച് പഠിച്ചവരാണെന്നും അദ്ദേഹത്തെ ശരിക്കും ഇഷ്ടമാണെന്നും മുന് കാമുകി പറയുന്നു. വൈല്ഡിനോട് എന്തെങ്കിലും പറയാനുണ്ടോ എന്ന റിപ്പോര്ട്ടറുടെ ചോദ്യത്തിന് അവള് പറഞ്ഞിതിങ്ങനെയാണ്, 'നമ്മള് വേര്പിരിഞ്ഞതിൽ ഞാന് ഖേദിക്കുന്നു.'
എന്നാല് യുവതിയുടെ പ്രതികരണം കേട്ട് ചുറ്റും കൂടിയിരുന്നവര് എല്ലാരും ചിരിച്ചെങ്കിലും യുവതി ചിരിക്കാതെ പിടിച്ചു നിന്നു. പിന്നിട് വൈല്ഡിനെ കുറിച്ച് അഭിമാനം തോന്നുന്നുവെന്നും അവള് കൂട്ടിച്ചേര്ത്തു. ദൗര്ഭാഗ്യകരമെന്നോണം, ഇരുവരും വീണ്ടും ഒന്നിക്കാനുള്ള സാധ്യത വളരെ കുറവാണ്. നിലവില് സ്പെയ്നില് നിന്നുള്ള ഒരു യുവതിയുമായി പ്രണയത്തിലാണ് വൈല്ഡ്.
https://www.facebook.com/Malayalivartha