ഒഡിഷ എഫ്സിയെ തോല്‍പ്പിച്ചതിന്റെ ആത്മവിശ്വാസവുമായി കേരള ബ്ലാസ്റ്റേഴ്സ് ഇന്ന് കൊല്‍ക്കത്തയില്‍. എതിരാളികള്‍ ഈസ്റ്റ് ബംഗാളാണ്. സാള്‍ട്ട്ലേക് സ്റ്റേഡിയത്തില്‍ രാത്രി എട്ടിനാണ് കളി. ഐഎസ്എല്‍ പോയിന്റ് പട്ടികയില്‍ നാലാംസ്ഥാനത്താണ് ബ്ലാസ്റ്റേഴ്സ്. 10 പോയിന്റ്.

അഞ്ചുകളിയില്‍ മൂന്ന് ജയിച്ചപ്പോള്‍ ഒന്ന് സമനിലയായി. മറ്റൊന്നില്‍ തോറ്റു. അഡ്രിയാന്‍ ലൂണയും ദിമിത്രിയോസ് ഡയമന്റാകോസുമാണ് ബ്ലാസ്റ്റേഴ്സിന്റെ ഊര്‍ജം.നാലുമത്സരം പൂര്‍ത്തിയാക്കിയ ഈസ്റ്റ് ബംഗാളിന് ഒരു ജയംമാത്രമാണ്.

ഒരു സമനിലയും. രണ്ടുകളി തോറ്റ അവര്‍ പട്ടികയില്‍ ഒമ്പതാംസ്ഥാനത്താണ്. ഇന്ന് നടക്കുന്ന ആദ്യകളിയില്‍ ബംഗളൂരു എഫ്സി ഹൈദരാബാദ് എഫ്സിയെ നേരിടുകയും ചെയ്യും.