സ്റ്റൈലിഷ്‌ ഡബിള്‍ സ്‌പ്രിങ്ങ്‌ ചെയിന്‍
ഒരു മാലയിട്ടിരുന്ന സ്ഥാനത്ത്‌ രണ്‌ടു മാല. അതും വളരെ നീളത്തിലുള്ളത്‌. ന്യുജെന്‍ ട്രെന്‍ഡ്‌ടീനേജേഴ്‌സിനെ ലക്ഷ്യമിട്ട്‌ ഇറങ്ങിയ ഡബിള്‍ സ്‌പ്രിങ്ങ്‌ ചെയിനുകള്‍ വിപണി കീഴടക്കുകയാണ്‌.
അലുമിനിയം സ്‌പ്രിങ്ങിലാണ്‌ നീളത്തിലുള്ള ഈ മാല നിര്‍മ്മിച്ചിരിക്കുന്നത്‌. രണ്‌ടുമാലകള്‍ ചേര്‍ത്തെടുത്തിട്ട്‌ അതിന്റെ താഴെ ഭാഗം ഒന്നിച്ചു കൂട്ടികെട്ടിയിടുന്ന സ്റ്റൈലിലാണ്‌ സ്‌പ്രിങ്ങ്‌ ചെയിനുകള്‍. രണ്‌ടുമാലകള്‍ക്കും വ്യത്യസ്‌ത നിറങ്ങളായിരിക്കും. മാലകള്‍ ചേര്‍ന്നു വരുന്ന അടിഭാഗത്ത്‌ സ്വര്‍ണനിറമുള്ള ചെറിയ മുത്തുകള്‍ പിടിപ്പിച്ചിട്ടുണ്‌ടാകും. ഈ മുത്തുകള്‍ ഒന്നുചേര്‍ന്നു കിടക്കുമ്പോള്‍ ലോക്കറ്റ്‌ ആണെന്നേ തോന്നൂ.
ജീന്‍സ്‌,സാരി,ചുരിദാര്‍ തുടങ്ങി ഏതു വസ്‌ത്രത്തോടൊപ്പവും ഈ മാല അണിയാമെന്നതുകൊണ്‌ട്‌ ടീനേജേഴ്‌സിനും സ്‌പ്രിങ്ങ്‌ ചെയിനോടുള്ള താല്‍പര്യവും ഏറെയിരിക്കുകയാണെന്ന്‌ എറണാകുളം നോര്‍ത്തിലെ നാസര്‍ സ്റ്റോഴ്‌സ്‌ ഉടമ പറഞ്ഞു. മള്‍ട്ടി കളര്‍ ആയതിനാല്‍ ഡ്രസ്‌മാച്ച്‌ അനുസരിച്ചു ധരിക്കാം. പിങ്കും ഗോള്‍ഡനും, പിങ്കും വൈറ്റും, ഗോള്‍ ഡനും ബ്ലാക്കും, ഗോള്‍ഡനും മഞ്ഞ യും, ഗോള്‍ഡനും റെഡും, ഗോള്‍ഡനും ബ്ല്യൂവും... എന്നിങ്ങനെയുള്ള കളര്‍ കോമ്പിനേഷനുകളാണ്‌ ഫാസ്റ്റ്‌ മൂവിങ്ങ്‌. 200 രൂപ മുതലാണ്‌ ഇവയുടെ വില
https://www.facebook.com/Malayalivartha
