വിമാനകമ്പനികള്‍ക്ക് ഇന്ധനവിലയില്‍ ആശ്വാസം നല്‍കി കേന്ദ്രസര്‍ക്കാര്‍. വിമാന ഇന്ധന(എടിഎഫ്)ത്തിന്റെ എക്‌സൈസ്ഡ്യൂട്ടി 14 ശതമാനത്തില്‍നിന്ന് 11 ശതമാനമായി കുറച്ചു. നികുതിയിളവ് ഇന്നു പ്രാബല്യത്തിലാകും. 
പെട്രോള്‍, ഡീസല്‍ എന്നിവയുടെ എക്‌സൈസ് ഡ്യൂട്ടി കഴിഞ്ഞയാഴ്ച ഒന്നരരൂപയാണു കേന്ദ്രം കുറച്ചത്.

അതിനുശേഷം നാലുദിവസംകൊണ്ട് പെട്രോളിന് 82 പൈസയും അഞ്ചുദിവസംകൊണ്ട് ഡീസലിന് 1.71 രൂപയും കൂട്ടുകയാണു ചെയ്തത്. കഴിഞ്ഞമാസം വിമാന ഇന്ധനത്തിന്റെ ഇറക്കുമതിക്ക് കേന്ദ്രം അഞ്ചുശതമാനം കസ്റ്റംസ് ഡ്യൂട്ടി ചുമത്തിയിരുന്നു.