ഹിറ്റായി നടന് ധര്മജന്റെ 'ധര്മൂസ് ഫിഷ് ഹബ്'; കൂടുതല് താരങ്ങള് രംഗത്ത്
നടന് ധര്മജന് ബോള്ഗാട്ടിയുടെ 'ധര്മൂസ് ഫിഷ് ഹബ്' ഹിറ്റായതോടെയാണ് മത്സ്യവില്പന ശൃംഖലയിലേക്ക് കൂടുതല് സിനിമാ താരങ്ങള് പങ്കുചേരുന്നു. കൊച്ചിയിലെ മല്സ്യബന്ധന ഹബ്ബുകളായ മുളവുകാട്, വൈപ്പിന്, വരാപ്പുഴ, ചെല്ലാനം എന്നിവിടങ്ങളിലെ മീന്പിടിത്തക്കാരില്നിന്നും മീന് നേരിട്ട് വാങ്ങി അയ്യപ്പന്കാവിലെ ധര്മൂസ് ഫിഷ് ഹബ്ബില് വില്പനയ്ക്ക് എത്തിക്കുന്ന രീതി വന്സാമ്പത്തിക വിജയം നേടിയിരുന്നു. ഇതിനെ തുടര്ന്നാണ് നടന് മാരായ വിജയരാഘവന്, നാദിര്ഷാ, കുഞ്ചാക്കോ ബോബന്, ബിജു മേനോന്, രമേഷ് പിഷാരടി, ടിനി ടോം എന്നിവര് ഫ്രാഞ്ചൈസികള് എടുക്കുന്നത്.
ഇടനിലക്കാരെ ഒഴിവാക്കുന്നതിനാല് മീന്പിടിത്തക്കാര്ക്ക് കൂടുതല് മികച്ച നിരക്ക് ലഭിക്കുന്നുണ്ടെന്നും ധര്മജന് പറയുന്നു. സിനിമയില് ശ്രദ്ധിക്കപ്പെടുന്നതിന് മുന്പ് പരമ്പരാഗത മല്സ്യത്തൊഴിലാളികളുടെ കൂട്ടത്തില് മീന്പിടിക്കാന് പോകുമായിരുന്ന ധര്മജന് താഴേത്തട്ടിലെ രീതികള് അറിയാമെന്നതും ഗുണകരമായി. മീന്പിടിത്തക്കാര്ക്ക് എപ്പോള് പിടിക്കുന്ന മീനും ഉടന് ധര്മൂസ് ഹബ്ബില് എത്തിക്കാമെന്നതാണ് വിജയത്തിന് പിന്നിലെ മുഖ്യ ഘടകം.
https://www.facebook.com/Malayalivartha
