കേരളത്തിലെ മാധ്യമസ്ഥാപനങ്ങള് ഒരുക്കുന്ന 'ഗ്രയിറ്റ് ഷോപ്പിംഗ് ഉത്സവ് ; നവംബര് 15 മുതല് ഡിസംബര് 16 വരെ
കേരള വിപണിക്ക് കനത്ത പ്രഹരമേല്പ്പിച്ച പ്രളയം വാണിജ്യമേഖലയിലുണ്ടാക്കിയ പ്രതിസന്ധിയില് നിന്ന് വിപണിയെയും അതുവഴി സാമ്പത്തിക മേഖലയെയും കൈപിടിച്ചുയര്ത്തുക എന്ന ലക്ഷ്യവുമായി ഇന്ത്യാ ചരിത്രത്തിലാദ്യമായി ഒരു സംസ്ഥാനത്തെ മാധ്യമങ്ങള് ഒരുമിച്ച് ചേര്ന്ന് ഒരു ഷോപ്പിംഗ് മാമാങ്കം ഒരുക്കുന്നു.
നവംബര് 15 മുതല് ഡിസംബര് 16 വരെയാണ് ഗ്രേറ്റ് ഷോപ്പിംഗ് ഉത്സവ് നടക്കുന്നത്. നാലുകോടി രൂപയുടെ സമ്മാനങ്ങളാണ് ഭാഗ്യജേതാക്കളെ കാത്തിരിക്കുന്നത്. ഒരു കോടിയുടെ ഫഌറ്റാണ് മെഗാസമ്മാനം.
ആയിരം രൂപയ്ക്കോ അതിന് മുകളിലോ സാധനങ്ങള് വാങ്ങുന്നവര്ക്ക് മെഗാ നറുക്കെടുപ്പില് പങ്കെടുക്കാം. ഗിഫ്റ്റ് വൗച്ചറുകളും ഗിഫ്റ്റ് ഹാംപേര്സും ഗൃഹോപകരണങ്ങളും ഉള്പ്പെടെ എല്ലാ ദിവസവും
ആയിരത്തില് അധികം രൂപയുടെ സമ്മാനങ്ങള് നറുക്കെടുപ്പിലൂടെ ഭാഗ്യശാലികള്ക്ക് ലഭിക്കും.
പ്രത്യേക വാട്സ് ആപ്പ് നമ്പരിലേക്ക് സാധനങ്ങള് വാങ്ങിയ ബില്ലിന്റെ ചിത്രമയച്ച് നറുക്കെടുപ്പില് പങ്കെടുക്കാം. മറുപടി സന്ദേശത്തില് പേരും മേല്വിലാസവും മൊബൈല് നമ്പരും ബില് നമ്പരും രേഖപ്പെടുത്താന് കഴിയും.
നവകേരള നിര്മ്മിതിക്കായി ഷോപ്പിംഗ് ഫെസ്റ്റിലൂടെ വലിയ സംഭാവന നല്കുകയെന്ന ലക്ഷ്യവും സംഘാടകര്ക്കുണ്ട്. ഒരു മാസക്കാലം നീണ്ടുനില്ക്കുന്ന ഷോപ്പിംഗ് ഉത്സവത്തിന്റെ ലോഗോ ചലച്ചിത്ര താരം മമ്മൂട്ടി പ്രകാശനം ചെയ്തു.
https://www.facebook.com/Malayalivartha