ചെറുകിട സംരംഭകര്ക്ക് ഒരു കോടി രൂപയുടെ ദീപാവലി സമ്മാനവുമായി മോദി
നോട്ട് നിരോധനവും ജിഎസ്ടി നടപ്പാക്കലും മൂലം ഏറെ പ്രതിസന്ധിലായ ഇടത്തരം സംരംഭകര്ക്ക് പ്രചോദനമേകാന് 12 വിവിധ പദ്ധതികളുമായി പ്രധാനമന്ത്രി നരേന്ദ്രമോദി. ചെറുകിട ഇടത്തരം സംരംഭകര്ക്ക് വേണ്ടി 59 മിനിട്ട് കൊണ്ട് ഒരുകോടി രൂപവരെയുള്ള അതിവേഗ വായ്പ്പ പദ്ധതിയാണ് പ്രഖ്യാപിച്ചത്. പ്രഭാത സവാരിക്കെടുക്കുന്ന സമയത്തിനുളളില് ഒരു കോടി രൂപ വരെയുള്ള വായ്പ സംരഭകര്ക്ക് ലഭ്യമാകുമെന്ന് അദ്ദേഹം വ്യക്തമാക്കി. സര്ക്കാരിന്റെ വിഹിതം ചെറുകിട ഇടത്തരം വ്യവസായത്തില് 20 ശതമാനത്തില് നിന്നും 25ശതമാനമാക്കി വര്ധിപ്പിക്കുമെന്നും ചെറുകിട സംരംഭകര്ക്കുള്ള ദീപാവലി സമ്മാനമാണ് ഇതെന്നും പ്രധാനമന്ത്രി പറഞ്ഞു.
ജിഎസ്ടിയില് രജിസ്റ്റര് ചെയ്തിട്ടുള്ള എംഎസ്എംഇകള്ക്ക് പരമാവധി ഒരു കോടി രൂപവരെ വായ്പ ലഭിക്കും. ഇതിനായി ഒരു പുതിയ വെബ് പോര്ട്ടല് തന്നെ ആരംഭിച്ചിട്ടുണ്ട്. www. psbloansin59minutes.com എന്നതാണ് ആ പോര്ട്ടല്. ഇതില് രജിസ്റ്റര് ചെയ്യുകയാണ് ആദ്യ പടി.
പദ്ധതി പ്രഖ്യാപിച്ച് പ്രധാനമന്ത്രി പ്രസംഗിക്കുമ്പോള് തന്നെ തത്സമയ അപേക്ഷ നല്കിയ 994 പേര് വായ്പ അനുമതി വാങ്ങി. 72,680 ചെറുകിട സംരംഭകരെ പദ്ധതിയില് ഉള്പ്പെടുത്തിയിട്ടുണ്ട്. ചെറുകിടവ്യവസായ രംഗത്തിന് പുതിയ പദ്ധതികള് പുത്തന് കരുത്തേകുമെന്നും മോഡി കൂട്ടിച്ചേര്ത്തു
https://www.facebook.com/Malayalivartha