വില കുറഞ്ഞ വിദേശ ബ്രാന്ഡുകളോട് മലയാളികള്ക്ക് കൂടുതല് താല്പര്യം
പുതിയ പരീക്ഷണമെന്നരീതിയില് ബവ്റെജസ് കോര്പറേഷന് തുടക്കം കുറിച്ച വിദേശനിര്മിത വിദേശമദ്യ വില്പനയില് ഇതുവരെ സര്ക്കാര് ഖജനാവിലെത്തിയത് 4.16 കോടി രൂപ. 95 ചില്ലറവില്പനശാലകള് വഴി മൂന്നു മാസം കൊണ്ട് വിറ്റത് 2,300 കെയ്സ് മദ്യംമാണ്. അതേസമയം, വിദേശിയില് മലയാളിക്ക് പ്രിയം വില കുറഞ്ഞതിനോടാണെന്ന് കണക്കുകള് വ്യക്തമാക്കുന്നു.
1,500 മുതല് 56,000 രൂപ വരെ വിലവരുന്ന, 19 ബ്രാന്ഡുകളിലുള്ള മദ്യം വിപണിയിലെത്തിച്ചെങ്കിലും ഏറ്റവുമധികം വിറ്റുപോയത് വില കുറഞ്ഞ 2 ബ്രാന്ഡുകളാണ്. ഒന്നിന് വില 1,520 രൂപ, രണ്ടാമത്തേതിന് 1,950 രൂപ. എന്നാല് വിദേശനിര്മിത വൈനിന് ആവശ്യക്കാര് തീരെയില്ല. വിദേശനിര്മിത വിദേശമദ്യവും വൈനും വില്ക്കാന് 17 കമ്പനികളുമായി ബവ്കോ ധാരണയിലെത്തിയിരുന്നെങ്കിലും 2 കമ്പനികള് മാത്രമാണു വിതരണം തുടങ്ങിയത്.
മൂന്നാമതൊരു കമ്പനി കൂടി 16 ബ്രാന്ഡുകള് വില്പനയ്ക്കെത്തിക്കാമെന്ന് വാഗ്ദാനം ചെയ്തിട്ടുണ്ട്. വില കുറഞ്ഞ മദ്യത്തിന് ആവശ്യക്കാര് ധാരാളമുള്ളതിനാല് ഈ ഗണത്തില്പെടുന്ന വിദേശ ബ്രാന്ഡുകള് കൂടുതലെത്തിക്കാനാണ് സാധ്യത.
https://www.facebook.com/Malayalivartha