പെട്രോള്‍ ഡീസല്‍ വിലയില്‍ ഇന്നും നേരിയ കുറവ്. പെട്രോളിന് 35 പൈസയും ഡീസലിന് 39 പൈസയുമാണ് ഇന്ന് കുറഞ്ഞത്. ഇന്ന് തിരുവനന്തപുരത്ത് ഒരു ലിറ്റര്‍ പെട്രോളിന് 75.75 രൂപയും ഡീസലിന് 72.31 രൂപയുമാണ്. കൊച്ചില്‍ പെട്രോള്‍ വില 74.43 രൂപയും ഡീസല്‍ വില 70.94 രൂപയുമാണ്. കോഴിക്കോട്ട് പെട്രോളിന് 74.76 രൂപയാണ്. ഡീസലിന് 71.27 രൂപയുമാണ്. കഴിഞ്ഞ ഒക്ടോബര്‍ ഒന്നിന് പെട്രോളിന് 87.12 രൂപയും ഡീസലിന് 80.36 രൂപയുമായിരുന്നു. നവംബര്‍ ഒന്നിന് പെട്രോളിന് 82.65 രൂപയും ഡീസലിന് 78.98 രൂപയുമായിരുന്നു.
ഒക്ടോബര്‍ ഒന്ന് മുതല്‍ ഡിസംബര്‍ ഒന്ന് വരെ പെട്രോളിന് 11.45 രൂപയും ഡീസലിന് 8.05 രൂപയുമാണ് കുറഞ്ഞത്. രാജ്യാന്തര വിപണിയില്‍ അസംസ്‌കൃത എണ്ണവിലയിലുണ്ടാകുന്ന ഇടിവും രൂപയുടെ മൂല്യത്തിലുണ്ടായ നേരിയ നേട്ടവുമാണ് രാജ്യത്ത് ഇന്ധന വില കുറയാന്‍ കാരണം.