കുഞ്ഞിന് മുലയൂട്ടിയത് ടോയ്‌ലറ്റില്‍ വെച്ച്; യുവതിയുടെ ഫേസ്ബുക്ക് പോസ്റ്റ് വൈറലാകുന്നു
കൊല്‍ക്കത്തയിലെ സിറ്റി മാളില്‍ സൗകര്യമില്ലാത്തതിനാല്‍ കുഞ്ഞിന് മുലയൂട്ടിയത് ടോയ്‌ലറ്റില്‍ വെച്ചാണെന്ന യുവതിയുടെ ഫേസ്ബുക്ക് പോസ്റ്റ് വൈറലാകുന്നു. പോസ്റ്റിനെ തുടര്‍ന്ന് നിരവധി പേരാണ് അധികൃതരുടെ അനാസ്ഥയ്‌ക്കെതിരെ രൂക്ഷ വിമര്‍ശനവുമായി രംഗത്തെത്തിയത്. യുവതിയുടെ പോസ്റ്റ് ചര്‍ച്ചയായതോടെ അതിന് മാളിലെ അധികൃതര്‍ നല്‍കിയ കമന്റ് ആണ് ഏറെ വിമര്‍ശനങ്ങള്‍ക്ക് ഇടയാക്കിയത്.
മാളിലെത്തിയ നിങ്ങള്‍ക്ക് മുലയൂട്ടാന്‍ പറ്റാത്തത് വലിയ പ്രശ്‌നമായി കാണുന്നത് തമാശയാണെന്നും മറ്റുള്ളവരുടെ സ്വീകാര്യതയെ മാനിച്ചുകൊണ്ട് കൂടി നിരവധി പ്രശ്‌നങ്ങള്‍ കണക്കിലെടുത്തുക്കൊണ്ടാണ് മുലയൂട്ടാന്‍ അനുവദിക്കാത്തതെന്നുമായിരുന്നു മാള്‍ അധികൃതരുടെ മറുപടി. എല്ലാ ബഹുമാനത്തോടെയും പറയട്ടെ മാഡം, മുലയൂട്ടേണ്ടത് മാളില്‍വച്ചല്ല അത് വീട്ടില്‍വച്ച് ചെയ്യേണ്ട കാര്യമാണ് അല്ലെങ്കില്‍ എന്തെങ്കിലും കരുതണം. അധികൃതരുടെ കമന്റ് ഇങ്ങനെയായിരുന്നു,.
എന്നാല്‍ യുവതിയെ അനൂലിച്ചുകൊണ്ട് മുലയൂട്ടല്‍ അവകാശത്തിന് വേണ്ടി നിരവധി പേരാണ് സോഷ്യല്‍ മീഡിയയിലൂടെ രംഗത്ത് വന്നു. അവസാനം മാളിലെ അധികൃതര്‍ ക്ഷമാപണവുമായി രംഗത്ത് വരികയായിരുന്നു. മാളിലെ സോഷ്യല്‍ മീഡിയ കൈകാര്യം ചെയ്യുന്നവര്‍ക്കെതിരെ നടപടിയെടുക്കുമെന്നും അവര്‍ വ്യക്തമാക്കി.
https://www.facebook.com/Malayalivartha
