രണ്ടായിരത്തിന്റെ വ്യാജ നോട്ടുകള് വ്യാപകമാകുന്നു; ജനങ്ങള് ജാഗ്രതൈ
രണ്ടായിരത്തിന്റെ വ്യാജ നോട്ടുകള് രാജ്യത്ത് വര്ദ്ധിച്ചതോടെ ജനങ്ങള്ക്ക് മുന്നറിയിപ്പുമായി ആര്ബിഐ രംഗത്തെത്തി. വ്യാജനോട്ടുകളെ കുറിച്ച് ജനങ്ങള് പ്രത്യേക ജാഗ്രത പാലിക്കണം. കള്ളനോട്ടുകള് തിരിച്ചറിയുന്നതിന് താഴെ പറയുന്ന കാര്യങ്ങള് ശ്രദ്ധിച്ചാല് ഒരു പരിധി വരെ നിയന്ത്രക്കാന് കഴിയും.
1. നോട്ടിന്റെ ഇടത് വശത്ത് താഴെയുള്ള സുതാര്യമായ സ്ഥലം വെളിച്ചത്തിന് എതിരായി പിടിച്ചാല് 2000 എന്ന് എഴുതിയിരിക്കുന്നത് കാണാം.
2. നോട്ടിന് നടുവിലായി പച്ചനിറത്തിലുള്ള തടിച്ച സെക്യൂരിറ്റി ത്രെഡ്. ഇതില് ഭാരത്(ഹിന്ദിയില്), ആര്ബിഐ, 2000 എന്ന് മുദ്രണം. നോട്ട് ചരിക്കുന്നതിന് അനുസരിച്ച് ഈ വരയുടെ നിറം മാറുന്നു.
3. നോട്ടിന്റെ ഇടത് വശത്ത് ഏഴ് തടിച്ച വരകള്
4. വലത് വശത്ത് ഗാന്ധിയുടെ ചിത്രത്തിന്റെ വാട്ടര്മാര്ക്കും 2000 എന്നതിന്റെ വാട്ടര്മാര്ക്കും.
5. വലത് വശത്ത് അശോകസ്തംഭത്തിന് മുകളില് ചെറിയ ദീര്ഘചതുരത്തില് 2000 രൂപയെന്ന് പ്രിന്റ് ചെയ്തിരിക്കുന്നു. ഇത് തടവി നോക്കിയാല് അറിയാം.
6. നോട്ടിന്റെ വലത് വശത്ത് താഴെ സീരീസ് നമ്പര് പ്രിന്റ് ചെയ്തിരിക്കുന്നത് ചെറിയ അക്ഷരത്തില് നിന്ന് വലുതിലേക്കാണ്
7. മഹാത്മാഗാന്ധിയുടെ ചിത്രത്തിലെ കണ്ണടയ്ക്കുള്ളില് ആര്ബിഐ എന്ന് പ്രിന്റ് ചെയ്തിരിക്കുന്നു. ഭൂതക്കണ്ണാടി ഉപയോഗിച്ച് നോക്കിയാല് ഇത് വ്യക്തമായി കാണാം.
8. ഇടത് വശത്ത് അതാര്യമായ ദീര്ഘചതുരം 45 ഡിഗ്രിയില് നോക്കിയാല് 2000 എന്ന് കാണാം.
https://www.facebook.com/Malayalivartha