പുതിയ 20 രൂപയുടെ നോട്ട് പുറത്തിറക്കാനൊരുങ്ങി റിസര്‍വ് ബാങ്ക് ഓഫ് ഇന്ത്യ. 10, 50, 100, 200, 2000 രൂപയുടെ പുതിയ നോട്ടുകള്‍ നേരത്തെ പുറത്തിക്കിയിരുന്നു. ആ ഗണത്തിലേക്കാണ് പുതിയ നോട്ടും വരുന്നത്.2016 മുതലാണ് പുതിയ മഹാത്മാ ഗാന്ധി സീരീസിലുള്ള നോട്ടുകള്‍ ഇറക്കാന്‍ തുടങ്ങിയത്.
2016 നവംബര്‍ എട്ടിന് 500,1000 രൂപയുടെ നോട്ടുകള്‍ നിരോധച്ചുകൊണ്ട് പ്രധാനമന്ത്രി നരേന്ദ്രമോദി പ്രഖ്യാപനം നടത്തിയതിന് പിറകെയാണ് പുതിയ നോട്ടുകള്‍ ഇറങ്ങിയത്. 500, 2000 രൂപയുടെ നോട്ടുകളായിരുന്നു ആദ്യം ഇറങ്ങിയവ.

2016 മാര്‍ച്ച് 31ലെ ആര്‍.ബി.ഐയുടെ കണക്കനുസരിച്ച് 4.92 ബില്ല്യണ്‍ എണ്ണം 20 രൂപ നോട്ടുകള്‍ വിപണിയില്‍ ഉണ്ടായിരുന്നു. 2018 മാര്‍ച്ച് ആയപ്പോഴേക്കും അത് 10 ബില്ല്യണ്‍ ആയി. ആകെ കറന്‍സികളുടെ 9.8 ശതമാനവും 20 രൂപ നോട്ടുകളാണ്.