ഇന്ത്യയിലെ ആഭ്യന്തര വിമാന കമ്പനികള്‍ ഒരു വര്‍ഷത്തിനിടയ്ക്ക് വാങ്ങിക്കൂട്ടിയത് 120 വിമാനങ്ങള്‍. ഇത് ആദ്യമായാണ് ഇന്ത്യന്‍ കമ്പനികള്‍ ഇത്രയധികം പുതിയ വിമാനങ്ങള്‍ വാങ്ങുന്നത്. നിലവില്‍ ഇന്ത്യയില്‍ ഒമ്പത് വിമാന കമ്പനികളാണുളളത്. ഇവയ്‌ക്കെല്ലാം കൂടി 660 വിമാനങ്ങളുണ്ട്.

കഴിഞ്ഞ വര്‍ഷം മാത്രം 55 വിമാനങ്ങളാണ് ഇന്‍ഡിഗോ വാങ്ങിക്കൂട്ടിയത്. ഏറ്റവും കൂടുതല്‍ വിമാനങ്ങള്‍ സ്വന്തമാക്കിയതും ഇന്‍ഡിഗോയാണ്. ഇതോടെ ഇന്‍ഡിഗോയ്ക്ക് മൊത്തം വിമാനങ്ങളുടെ എണ്ണം 206 ആയി. പുതിയ വിമാനങ്ങളെത്തിയതോടെ എയര്‍ ഇന്ത്യയ്ക്ക് 125 ഉം ജെറ്റ് എയര്‍വേയ്‌സിന് 124ഉം വിമാനങ്ങളായി.

ഇന്ത്യയിലെത്തിയ പുതിയ വിമാനങ്ങളില്‍ നല്ലൊരു പങ്കും 'എയര്‍ബസ് എ 320 നിയോ' വിഭാഗത്തില്‍പ്പെടുന്നവയാണ്.