റെക്കോഡുകൾ ഭേദിച്ചു സ്വർണ്ണ വില കുത്തിക്കുമെന്നു മലയാളികൾ ആശങ്കയിൽ. സ്വർണ്ണത്തിന് ഗ്രാമിന് 3,640 രൂപയും, പവൻ വില 29,120 ആണ് ഇപ്പോഴത്തെ നിരക്ക്. സർവകാല റെക്കോർഡായാണ് ഇപ്പോഴത്തെ നിരക്ക് രേഖപ്പെടുത്തിയിരിക്കുന്നത്. സെപ്റ്റംബര്‍ നാലിനാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. സർവ്വകാല റെക്കോർഡിൽ എത്തിയതിനു ശേഷം കഴിഞ്ഞ രണ്ടുമാസമായി നേരിയ ചാഞ്ചാട്ടം മാത്രമാണ് സ്വർണ വില ഉണ്ടായിട്ടുള്ളത്. അന്താരാഷ്ട്ര സ്വർണ വില 1,550 ഡോളർ എത്തിയതാന് കേരളത്തിൽ ഗ്രാമിന് സ്വർണ്ണവില 3,640 രൂപ ആകാൻ കാരണം.

100 ഡോളർ വില കുറഞ്ഞ് 1,450 ഡോളറിൽ എത്തിയപ്പോഴും 3,540 രൂപ വരെയെ സ്വർണ്ണത്തിന് വില താഴ്ന്നുള്ളു. ഗ്രാമിന് വെറും 100 രൂപ മാത്രമാണ് വില കുറഞ്ഞത്. പവന് 800 രൂപയുടെ കുറവും. സാമ്പത്തിക, വ്യാപാര മാന്ദ്യമാണ് ഇതിനു മുഖ്യകാരണം. ആഘോഷവേളകളിൽ സ്വർണ്ണത്തിനു വിലക്കയറ്റം സംഭവിക്കാറുണ്ട്. ക്രിസ്മസിന് മുമ്പുള്ള ഉയർച്ചയായി സ്വർണ്ണവിലയെ കാണാമെങ്കിലും, വില ഇനിയും ഉയർന്നേക്കാമെന്ന ആശങ്ക വിപണിയിൽ ഉണ്ട്. കേരളത്തിൽ നിലിവില്‍ വിപണി ദുർബലമാണ്. പുതുവത്സരത്തോടെ വിപണി സജീവമാകുമെന്ന പ്രതീക്ഷയാണ് വ്യാപാരികൾ.