സണ്‍ഫീസ്റ്റ് ഡാര്‍ക്ക് ഫാന്റസിയില്‍ അടങ്ങിയിട്ടുള്ള ഐ എന്‍ എസ് 471 ല്‍ മൃഗക്കൊഴുപ്പ് അടങ്ങിയിട്ടുണ്ടെന്ന സമൂഹ മാധ്യമങ്ങളില്‍ പ്രചരിച്ചിരുന്ന വാര്‍ത്തകള്‍ക്കെതിരെ നടപടി സ്വീകരക്കാനൊരുങ്ങി ഐ ടി സി ലിമിറ്റഡ്. ഇത് തികച്ചും ്അടിസ്ഥാന രഹിതമാണെന്നും ഐ എന്‍ എസ് 471 പാമോയിലില്‍ നിന്നും വേര്‍തിരിച്ചെടുത്തതാണെന്നുമാണ് കമ്പനി വ്യക്തമാക്കുന്നത്. സമൂഹ മാധ്യമങ്ങളില്‍ നടക്കുന്നത് അടിസ്ഥാന രഹിതമായ വ്യാജപ്രചാരണങ്ങളാണെന്നും ഇത് പ്രചരിപ്പിക്കുന്നവര്‍ക്കെതിരെ നിയമ നടപടികള്‍ സ്വീകരിക്കുമെന്നും കമ്പനി അറിയിച്ചു. 

സസ്യാഹാരം എന്നു തെളിയിച്ചുകൊണ്ടുള്ള പച്ച അടയാളമാണ് സണ്‍ഫീസ്റ്റ് ഡാര്‍ക്ക് ഫാന്റസിയില്‍ നല്‍കിയിട്ടുള്ളതെന്നും ഇത് എല്ലാവിധ പരിശോധനകള്‍ക്കും ശേഷം ലഭ്യമായിട്ടുള്ളതാണെന്നും കമ്പനി അറിയിച്ചു.