എയര്‍ടെല്ലിന്റെ 5ജി നെറ്റ്‌വര്‍ക്കിന്റെ ആദ്യ പ്രദര്‍ശനം ഇന്ത്യന്‍ മൊബൈല്‍ കോണ്‍ഗ്രസില്‍
രാജ്യത്തെ പ്രമുഖ ടെലികോം സേവനദാതാക്കളായ എയര്‍ടെല്‍ 14 മുതല്‍ 16 വരെ ന്യൂഡല്‍ഹിയില്‍ നടക്കുന്ന ഇന്ത്യ മൊബൈല്‍ കോണ്‍ഗ്രസില്‍ 5ജി നെറ്റ് വര്‍ക്കിന്റെ തല്‍സമയ പ്രദര്‍ശനം നടത്തും. ദക്ഷിണേഷ്യയിലെ തന്നെ ഏറ്റവും വലിയ ഡിജിറ്റല്‍ ടെക്‌നോളജി ചര്‍ച്ചാവേദിയാണ് ഇന്ത്യന്‍ മൊബൈല്‍ കോണ്‍ഗ്രസ്. ടെലികമ്മ്യൂണിക്കേഷന്‍ ഡിപ്പാര്‍ട്ടുമെന്റും (ഡി ഒ ടി) സെല്ലുലാര്‍ ഓപ്പറേറ്റര്‍ അസോസിയേഷന്‍ ഓഫ് ഇന്ത്യ (സി ഒഎ ഐ)യും ചേര്‍ന്നാണ് ചര്‍ച്ച സംഘടിപ്പിക്കുന്നത്. 5 ജിക്ക് മുന്നോടിയായിട്ടുള്ള ലൈസന്‍സ്ഡ് അസിസ്റ്റഡ് ആക്‌സസ് സാങ്കേതിക വിദ്യയും പ്രദര്‍ശനത്തിലുണ്ടാകും.
സ്മാര്‍ട്ട് സിറ്റിക്ക് ആവശ്യമായ അഡാപ്റ്റീവ് ട്രാഫിക് കണ്‍ട്രോള്‍ റൂം സിസ്റ്റം, സിറ്റി വൈഡ് സര്‍വെയ്‌ലന്‍സ്, പൊലുഷന്‍ ചെക്ക്, ട്രാഫിക് എന്‍ഫോഴ്‌സ്‌മെന്റ് സിസ്റ്റം, സ്ട്രീറ്റ് ലൈറ്റിംഗ് എന്നിവയെല്ലാം ഇന്ത്യന്‍ മൊബൈല്‍ കോണ്‍ഗ്രസില്‍ പ്രദര്‍ശിപ്പിക്കും. എയര്‍ടെല്‍ ഡിജിറ്റല്‍ എന്റര്‍ടെയ്ന്‍മെന്റായ എയര്‍ടെല്‍ സ്ട്രീമും അവതരിപ്പിക്കും.
https://www.facebook.com/Malayalivartha
