വ്യത്യസ്ത ഒഫറുമായി അമേരിക്കന്‍ കാര്‍ ഡീലര്‍
കാര്‍ വാങ്ങുന്നവര്‍ക്ക് 'വിചിത്ര' ഓഫര്‍ പ്രഖ്യാപനത്തിലൂടെ ശ്രദ്ധേയമാവുകയാണ് അമേരിക്കയിലെ സൗത്ത് കരോലിനയിലെ ഹോനെയ പാത്തിലുള്ള ഫോര്‍ഡ് കാര്‍ ഡീലര്‍. കാര്‍ വാങ്ങുന്നവര്‍ക്ക് വാച്ച,് മൊബൈല്‍ ഫോണ്‍ എന്നിവ നല്‍കുന്നതു പോലെ അമേരിക്കന്‍ പതാക, ബൈബിള്‍, തോക്ക് എന്നിവയാണ് കാര്‍ കമ്പനി ഉപഭോക്താക്കള്‍ക്ക് ഓഫറായി പ്രഖ്യാപിച്ചത്. ഈ വ്യത്യസ്ത ഓഫര്‍ സോഷ്യല്‍ മീഡിയയില്‍ വൈറലായിരിക്കുകയാണ്. എന്നാല്‍ ഇതിനെതിരെ പലരും കമ്പനിക്ക് എതിരെ രംഗത്തു വന്നിട്ടുണ്ട്. അമേരിക്കയില്‍ മറ്റൊരു കൂട്ടവെടിവെയ്പ്പ് ഉണ്ടായാല്‍ ഉത്തരവാദിത്തം ഏറ്റെടുക്കേണ്ടി വരുമെന്നാണ് ഫേസ്ബുക്കിലെ ചില കമന്റുകള്‍. ഭൂമിശാസ്ത്രപരമായ പ്രത്യേകതകളും സാമൂഹ്യമായ പരിഗണനകളും കണക്കിലെടുത്താണ് ഈ ഓഫര്‍ പ്രഖ്യാപിച്ചതെന്നാണ് ഡീലര്‍ അവകാശപ്പെടുന്നത്.
എന്നാല്‍ ഈ ഓഫറോടു കൂടി വില്പന വര്‍ദ്ധിച്ചതായും, ഓഫര്‍ തേടി അമേരിക്കയുടെ മറ്റിടങ്ങളില്‍ നിന്നും ആളുകള്‍ എത്തുന്നുണ്ടെന്നുമാണ് ഡീലര്‍ അവകാശപ്പെടുന്നത്. 'God Gun America' എന്നാണ് ഡീലറുടെ പ്രചാരണ വാചകം. സ്മിത്ത് ആന്‍ഡ് വെസോണ്‍ കമ്പനിയുടെ നാനൂറ് ഡോളര്‍ വില വരുന്ന എ ആര്‍15 റൈഫിളാണ് ലഭിക്കുക. റൈഫിള്‍ ആവശ്യമില്ലെങ്കില്‍ അതിന്റെ വിലയായ നാനൂറ് ഡോളര്‍ കാറിന്റെ വിലയില്‍ നിന്നും കുറച്ച് തരുമെന്നും കമ്പനി അവകാശപ്പെടുന്നു നവംബര്‍ അവസാനം വരെയാണ് ഓഫര്‍.
https://www.facebook.com/Malayalivartha
