കൂടത്തായി സീരിയലിനും സിനിമക്കും എതിരെ ജോളിയുടെ മക്കൾ കോടതിയിൽ ..മോഹൻലാലിനും ആന്റണി പെരുമ്പാവൂരിനും തിരിച്ചടി
കേരളം അടുത്തിടെ ഏറെ ചർച്ച ചെയ്ത വിഷയമാണ് കൂടത്തായി.. എന്നാൽ ഈ സംഭവത്തിന്റെ ദൃശ്യാവിഷ്കാരത്തിനെതിരെ പ്രതി ജോളിയുടെ മക്കൾ കോടതിയെ സമീപിച്ചിരിക്കുകയാണ്
കൂടത്തായിയിലെ പൊന്നാമറ്റം വീട്ടിൽ വർഷങ്ങളുടെ ഇടവേളയിൽ നടന്ന കൊലപാതകങ്ങളുടെ കഥ പറയുന്ന സിനിമ, സീരിയൽ നിർമാണങ്ങൾക്കെതിരെ കോടതി നോട്ടീസ് നൽകി
വാമോസ് പ്രൊഡക്ഷന്സ് ഉടമ ഡിനി ഡാനിയല്,ആശിർവാദ് സിനിമാസ്, ഫ്ളവേഴ്സ് ടിവി തുടങ്ങിയവർക്കാണ് കോടതി നോട്ടീസ് നൽകിയത്. നേരത്തെ, കൂടത്തായി വിഷയം ദൃശ്യവത്കരിക്കുന്നത് സംബന്ധിച്ച് വിവാദമുണ്ടായിരുന്നു. ജോളിയുടെയും കൊല്ലപ്പെട്ട റോയ് തോമസിന്റെയും മക്കളായ റൊമോ, റൊണാൾഡ് റോയ് തോമസിന്റെ സഹോദരി റെഞ്ചി എന്നിവർ നൽകിയ ഹർജിയിലാണ് താമരശേരി മുൻസിഫ് കോടതിയുടെ നടപടി വന്നിരിക്കുന്നത്. സിനിമാ, സീരിയൽ നിർമാതാക്കൾ കോടതിയിൽ ജനുവരി 13ന് നേരിട്ട് ഹാജരാകണമെന്നാണ് കോടതി നിർദേശം.
നേരത്തെ കൂടത്തായി വിഷയമാക്കി ആശിർവാദ് സിനിമാസ് സിനിമ നിർമിക്കുന്നുണ്ടെന്ന് കഴിഞ്ഞ ഒക്ടോബർ 9 ന് ആന്റണി പെരുമ്പാവൂർ അറിയിച്ചിരുന്നു., എന്നാൽ ഇത് പൂർണമായും ജോളിയുടെ ജീവിതവുമായി ബന്ധപ്പെട്ടതാണോ എന്ന വിവരങ്ങള് പുറത്തു വിട്ടിരുന്നില്ല . എന്നാൽ സിനിമയിൽ അന്വേഷണോദ്യോഗസ്ഥനായി മോഹൻലാൽ അഭിനയിക്കുന്നുണ്ടെന്നു പറഞ്ഞിരുന്നു . ഫെബ്രുവരിയോടെ ചിത്രീകരണം ആരംഭിക്കുമെന്നാണ് അറിയിച്ചിരുന്നത്. ചിത്രത്തിന്റെ നിർമാതാക്കൾ ഈ മാസം 13ന് കോടതിയിൽ നേരിട്ട് ഹാജരാകണമെന്നാണ് താമരശേരി മുൻസിഫ് കോടതിയുടെ നിർദേശം.
https://www.facebook.com/Malayalivartha