ബിഗ് ബോസ്സിൽ പ്രൊപ്പോസൽ സീൻ; അലക്സാൻഡ്രയോട് പ്രണയം പറഞ്ഞ് സുജോ; സുജോയുടെ പ്രണയം പൂവണിയുമോ, മറുപടിക്കായി കാത്ത് പ്രേക്ഷകർ
പ്രണയനിമിഷങ്ങളുമായി ബിഗ് ബോസ് വീട്. അഞ്ചാം ദിനത്തിലെ ബിഗ് ബോസ് എപ്പിസോഡ് ആണ് പ്രണയ നിമിഷങ്ങൾക്ക് സാക്ഷിയായത്. പ്രണയ രംഗങ്ങളിൽ നിറഞ്ഞു നിന്നത് ബിഗ് ബോസ്സിലെ യുവ മത്സരാർത്ഥികളായ അലക്സാന്ദ്രയും സുജോയും.
അഞ്ചാം ദിവസത്തിലേ ബിഗ് ബോസ് വീട്ടിൽ നടന്ന സംഭവങ്ങളായിരുന്നു പ്രേക്ഷകർക്ക് സൂചനകൾ നൽകിയത്. മത്സരാർത്ഥികൾ എല്ലാവരും ചേർന്ന് പാട്ടിനോടൊപ്പം കളിക്കുകയായിരുന്നു. രാജിനി ചാണ്ടി ആയിരുന്നു കളി നിയന്ത്രിച്ചത്. സൗണ്ട് നിൽക്കുമ്പോൾ ആരുടെ കയ്യിലാണോ തലയിണ എത്തുന്നത് അവർ മറ്റുള്ളവർ നൽകുന്ന നിർദേശം പാലിക്കണം. ആര്യക്കായിരുന്നു ആദ്യം നറുക്ക് വീണത്. തുടർന്ന് ആര്യ ഇഞ്ചി മിട്ടായി കടല എന്നിവ വിൽക്കുന്ന ആളായി മാറി. അതിനുശേഷം പണികിട്ടിയത് വീണ നായർക്കായിരുന്നു. വീണ ഒരു ആർ ജെ ആയി ബിഗ് ഹവ്സിലെ എല്ലാ മത്സരാർത്ഥികളെയും കുറിച്ച് ഒറ്റ വാക്യത്തിൽ വിവരണം നൽകാനായിരുന്നു നിർദേശം. അത് വളരെ രസകരമായി വീണ അവതരിപ്പിക്കുകയും ചെയ്തു. പൊട്ടിച്ചിരികളോടെയും കയ്യടികളോടെയും ഏവരും വീണയെ പ്രശംസിച്ചു. തുടർന്നാണ് നടനും മോഡലുമായ സുജോ മാത്യുവിന് മറ്റുള്ളവർ ചേർന്ന് രസകരമായ പണി കൊടുക്കുന്നത് .
ബിഗ് ഹവ്സിലെ മൂന്ന് പേരെ പ്രൊപ്പോസ് ചെയ്യുക എന്ന ടാസ്ക്കായിരുന്നു സുജോയ്ക്ക് ലഭിച്ചത്. ഇഷ്ടമുള്ളവരെ തിരഞ്ഞെടുക്കാം. ആര്യ, മഞ്ജു പത്രോസ്, അലക്സാൻഡ്ര എന്നിവരയെ ആണ് സുജോ തിരഞ്ഞെടുത്തത്. ആദ്യം സുജോ പ്രൊപ്പോസ് ചെയ്തത് ആര്യയെയായിരുന്നു. ആര്യയെ ഒരുപാട് ഇഷ്ടമാണെന്നും, ഇനിയും പ്രണയം മറച്ചുവെക്കാൻ സാധിക്കില്ല എന്നുമൊക്കെയാണ് സുജോ ആര്യയോട് പറഞ്ഞത്. ഒരു കാമുകന്റെ ഭാവങ്ങളോടെയാണ് സുജോ ആര്യയോട് സംസാരിച്ചത്. തന്നെ ഇഷ്ടമാണെങ്കിൽ ഉച്ചക്ക് ഭക്ഷണം കഴിക്കുന്ന പാത്രത്തിന്റെ പുറകിൽ എഴുതി വെച്ച് തന്നെ അറിയിക്കണം എന്നായിരുന്നു സുജോ നിർദേശിച്ചത്. എന്നാൽ ഇഷ്ട്ടമാണെങ്കിൽ രണ്ട് മുട്ട നൽകാമെന്നായിരുന്നു ആര്യ മറുപടി പറഞ്ഞത്. ഇഷ്ടമില്ലെങ്കിൽ മുട്ടയുമില്ല. മുട്ടയില്ലെങ്കിൽ ഫ്രൂട്ട്സ് എന്തെങ്കിലും തന്നാൽ മതിയെന്നായിരുന്നു സുജോയുടെ രസകരമായ മറുപടി. തുടർന്ന് സുജോ മഞ്ജുവിനെ പ്രണയം അറിയിക്കാൻ ആരംഭിച്ചു. തനിക്ക് പണ്ട് മുതൽക്കേ തന്നെക്കാൾ പ്രായം കൂടിയ ആളെ പ്രണയിക്കാൻ ആഗ്രഹമുണ്ടായിരുന്നെന്നും ചേച്ചിയെ കണ്ടപ്പോൾ വളരെ ഇഷ്ടമായി എന്നൊക്കെ ആണ് സുജോ മഞ്ജുവിനോട് പറഞ്ഞത്. തന്റെ പ്രണയം സ്വീകരിക്കണമെന്നും സുജോ പറഞ്ഞു.
ഇതിനുശേഷമാണ് സുജോ അലക്സാൻഡ്രയെ പ്രൊപ്പോസ് ചെയ്യാൻ തുടങ്ങിയത്. തനിക്ക് അലക്സാൻഡ്രയെ ഒരുപാട് ഇഷ്ടമാണെന്നും പറഞ്ഞറിയിക്കാൻ ആകാത്ത വിധം ഇഷ്ട്ടമുണ്ടെന്നും, ഉറങ്ങാൻ പോകുമ്പോൾ അലക്സാൻഡ്ര അവിടെ നിന്ന് നോക്കുമ്പോഴൊക്കെ ഇഷ്ടം തോന്നാറുണ്ടെന്നും, തന്നെ വിവാഹം കഴിക്കുമോയെന്നും ആണ് സുജോ പറഞ്ഞത്. കൂടാതെ തന്നെ വിവാഹം ചെയ്യുകയാണെങ്കിൽ സമ്മാനമായി ഒരു ഫ്ളൈറ്റ് വാങ്ങി തരാം എന്നും സുജോ അലക്സാൻഡ്രയെ പ്രൊപ്പോസ് ചെയ്തുകൊണ്ട്പറഞ്ഞു . പക്ഷെ വിവാഹ ശേഷം തങ്ങളുടെ ഫ്ളൈറ്റ്ക്രാഷ് ലാൻഡ് ചെയ്യിക്കരുത് എന്നൊരു നിർദേശവും അലക്സാൻഡ്രക്ക് നൽകി.തുടർന്ന് മുട്ട് കുത്തി നിന്ന് അലക്സാൻഡ്രയുടെ കൈ പിടിച്ച് പ്രണയം തുറന്നു പറയുകയും ചെയ്തു. ആർപ്പുവിളികളോടെയും കയ്യടികളോടെയുമാണ് മറ്റ് മത്സരാർത്ഥികൾ ഈ പ്രൊപ്പോസൽ സീൻ ആഘോഷിച്ചത്.
കളി കാര്യമാകുമോ എന്ന് മാത്രം ഇനി അറിഞ്ഞാൽ മതി. കഴിഞ്ഞ സീസണിലെ പേർളി ശ്രീനിഷ് സംഭവങ്ങൾ ഇത്തവണയും ആവർത്തിക്കുമോ എന്നാണ് പ്രേക്ഷകർ ആകാംഷയോടെ കാത്തിരിക്കുന്നത്. ഏതായാലും പ്രണയ രംഗങ്ങൾ പ്രേക്ഷകർ സ്വീകരിച്ചു കഴിഞ്ഞു. ഇനി കാണേണ്ടത് തമാശ യാഥാർഥ്യമാകുമോ എന്ന് മാത്രമാണ്.
https://www.facebook.com/Malayalivartha