നടി ഊര്‍മ്മിള ഉണ്ണിയുടെ മകൾ ഉത്തര ഉണ്ണി വിവാഹിതയാകുന്നു. വരൻ നിതേഷ് നായർ. കൊച്ചി കുമ്പളത്തെ സ്വകാര്യ റിസോര്‍ട്ടില്‍ വച്ച് ഇരുകുടുംബങ്ങളുടെയും സാന്നിധ്യത്തിലായിരുന്നു വിവാഹ നിശ്ചയം നടന്നത്. വ്യത്യസ്തമായ രീതിയിലാണ് നിതീഷ് ഉത്തരയോട് വിവാഹാഭ്യർത്ഥന നടത്തിയത്. നൃത്തത്തെ ജീവവായുവായി കാണുന്ന ഉത്തരയെ മോതിരം അണിയിച്ചതിനൊപ്പം കാലില്‍ ചിലങ്കയും നിതീഷ് അണിയിക്കുകയായിരുന്നു. ഇതിന്റെ ലഘു വീഡിയോ ഉത്തര ഫേസ്ബുക്കില്‍ പോസ്റ്റ് ചെയ്തത് തരംഗമായിരുന്നു.

ഏപ്രില്‍ അഞ്ചിനാണ് വിവാഹം. ബംഗളൂരുവിലെ യുടിഐസി എന്ന കമ്പനിയുടെ ഉടമയാണ് നിതേഷ്. ഭരതനാട്യ പ്രകടനങ്ങളിലൂടെ ശ്രദ്ധേയയായ ഉത്തര ഉണ്ണി ലെനിന്‍ രാജേന്ദ്രന്‍ സംവിധാനം ചെയ്ത 'ഇടവപ്പാതി'യിലൂടെയാണ് ഉത്തര മലയ സിനിമയിലേക്ക് ചുവടുവച്ചത്. നടി സംയുക്താ വര്‍മ്മയുടെ കസിന്‍ സിസ്റ്റർ കുടിയായാണ് ഉത്തര.