അനൂപ് സത്യന്റെ സംവിധാനത്തിൽ ഒരുങ്ങുന്ന വരനെ ആവശ്യമുണ്ട് ചിത്രത്തിലെ ആദ്യ ഗാനം പുറത്തിറങ്ങി; ഏറ്റെടുത്ത് ആരാധകർ
സത്യൻ അന്തിക്കാടിന്റെ മകൻ അനുപ് സത്യൻ ആദ്യമായി സംവിധാനം ചെയുന്ന ചിത്രമാണ് വരനെ ആവശ്യമുണ്ട്. ചിത്രത്തിന്റെ പോസ്റ്റർ പുറത്തിറങ്ങിയപ്പോൾ തന്നെ തരംഗമായിരുന്നു. ഇപ്പോൾ ചിത്രത്തിന്റെ ഗാനം പുറത്തുവിട്ടിരിക്കുകയാണ് അണിയറ പ്രവർത്തകർ. ഗാനം പ്രേക്ഷകർ ഇതിനോടകം തന്നെ ഏറ്റെടുത്തുകഴിഞ്ഞു. നവരാത്രി മഹോത്സവത്തിന് ബൊമ്മക്കൊലു ഒരുക്കിയിരിക്കുന്ന ഒരു തമിഴ് ബ്രാഹ്മണ ഗൃഹമാണ് ഗാനത്തിലെ പശ്ചാത്തലം. കാർത്തിക് ആണ് ഗാനം ആലപിച്ചിരിക്കുന്നത്. ചിത്രത്തിൽ വലിയ ഒരു താര നിര തന്നെ അഭിനയിക്കുന്നുണ്ട്.
സുരേഷ് ഗോപി, ശോഭന , ദുൽക്കർ സൽമാൻ, കല്യാണി പ്രിയദർശൻ എന്നിവരാണ് ചിത്രത്തിലെ കേന്ദ്രകഥാപാത്രങ്ങൾ. പുറത്തിറക്കിയിരിക്കുന്ന ഗാനത്തിൽ ഇവരെക്കൂടാതെ കെ പി എസ് സി ലളിതയുമുണ്ട്. അരവിന്ദ് വേണുഗോപാലാണ് പാട്ടിൽ ഗായകനായെതുന്നത്. സന്തോഷ് വർമയുടെ വരികൾക്ക് ഇനം പകർന്നിരിക്കുന്നത് അൽഫോൻസ് ജോസഫ് ആണ്. ചിത്രത്തിന്റെ നിർമ്മാണം നിർവഹിക്കുന്നത് ദുൽക്കർ സൽമാനാണ്. 13 വർഷങ്ങൾക്ക് ശേഷം സുരേഷ് ഗോപിയും ശോഭനയും ഒന്നിക്കുന്ന ചിത്രം എന്നൊരു പ്രത്യേകതയും വരനെ ആവശ്യമുണ്ട് എന്ന ചിത്രത്തിനുണ്ട്. അനൂപ് സത്യൻ തന്നെയാണ് ചിത്രത്തിന്റെ തിരക്കഥ തയ്യാറാക്കിയത്. ഹ്യുമറിന് പ്രാധാന്യം നൽകുന്ന ഒരു കുടുംബ ചിത്രമായിരിക്കും വരനെ ആവശ്യമുണ്ട് എന്ന് അണിയറപ്രവർത്തകർ അവകാശപ്പെടുന്നു.
https://www.facebook.com/Malayalivartha