ഇനി ഉപ്പും മുളകും സംവിധായകൻ സിനിമ സംവിധാനം ചെയ്യുന്നു; സിനിമയുടെ ലോഞ്ചിനായി 6 ആഫ്രിക്കന് മിനിസ്റ്റേഴ്സ് എത്തുന്നു
പ്രേക്ഷകർ നെഞ്ചിലേറ്റിയ പരമ്പരയാണ് ഫ്ളവേഴ്സ് ചാനലിലെ ഉപ്പും മുളകും.ജനപ്രിയ പരമ്പരയായ ഉപ്പും മുളകിന്റെ സംവിധായകനായ എസ് ജെ സിനു സിനിമ സംവിധായകനാകൺ ഒരുങ്ങുന്നു. ബ്ലൂ ഹില്സ് പ്രൊഡക്ഷന്സിന്റെ ബാനറില് മരിയ സ്വീറ്റി ജോബി നിര്മിക്കുന്ന ചിത്രത്തില് അമിത് ചക്കാലക്കല്, ഗ്രിഗറി, ദിലീഷ് പോത്തന്, ശകുന് ജസ്വാള്, രോഹിത് മഗ്ഗു, അലന്സിയര്, ഗീത, സുനില് സുഖദ, ബിജു സോപാനം, വെട്ടുകിളി പ്രകാശ്, പൗളി വത്സന്, മാസ്റ്റര് ഡാവിഞ്ചി, സ്മിനു സിജോ എന്നിവരോടൊപ്പം മലയാളത്തിലെ മറ്റു പ്രമുഖ താരങ്ങളും കഥാപാത്രങ്ങളാകുന്നു. മലയാള സിനിമ ചരിത്രത്തിലാദ്യമായി ഒരു സിനിമയുടെ ലോഞ്ചിനായി 6 ആഫ്രിക്കന് മിനിസ്റ്റേഴ്സ് എത്തുന്നു എന്നതും ചിത്രത്തിനെ കൂടുതൽ ശ്രദ്ധേയമാക്കുന്നു . ചടങ്ങിൽ മന്ത്രി രാമചന്ദ്രന് കടന്നപ്പള്ളി, എംപി ഹൈബി ഈഡന്, കൂടാതെ മലയാളം സിനിമയിലെ താരങ്ങളും പങ്കെടുക്കും. ജനുവരി 17ന് രാവിലെ 9.30 മണിക്ക് എറണാകുളം ഗ്രാന്ഡ് ഹയാത്ത് ഹോട്ടലില് വെച്ചാണ് പരിപാടി സംഘടിപ്പിച്ചിരിക്കുന്നത് . ജനുവരി അവസാനം ഷൂട്ടിംഗ് തുടങ്ങുന്ന ചിത്രത്തിന്റെ പൂജയും ഇതേ ചടങ്ങില് നടക്കുന്നു.
സംവിധായകൻ തന്നെയാണ് ചിത്രത്തിന്റെ കഥ തയ്യാറാക്കുന്നത്. ഉപ്പും മുളകിന്റെയും തിരക്കഥാകൃത്ത് അഫ്സല് കരുനാഗപ്പള്ളിയാണ് തിരക്കഥയും സംഭാഷണവും ഒരുക്കുന്നത്. ടി ഡി ശ്രീനിവാസന് ഛായാഗ്രഹണവും സംജിത് മുഹമ്മദ് എഡിറ്റിംഗും നിര്വഹിക്കുന്ന ചിത്രത്തില് കൈതപ്രത്തിന്റെ വരികള്ക്ക് ദീപക് ദേവ് ഈണം പകരുന്നു. പ്രൊഡക്ഷന് കണ്ട്രോളര് സഞ്ജയ് പടിയൂര്, മേക്കപ്പ് -രഞ്ജിത് അമ്പാടി. കേരളത്തിലും ആഫ്രിക്കയിലുമായിട്ടാണ് ചിത്രത്തിന്റെ ഷൂട്ടിങ്.
https://www.facebook.com/Malayalivartha