ഇനി ബിഗ് ബോസ് പ്രദീപ് നയിക്കും;മൂന്നാം ക്യാപ്റ്റൻ പ്രദീപ് ചന്ദ്രൻ; കളി വേറെ ലെവൽ ആകുമോ എന്ന കാത്തിരിപ്പിൽ പ്രേക്ഷകർ
രാജിനി ചാണ്ടിക്കും സാജു നവോദയക്കും ശേഷം ബിഗ് ബോസ് സീസൺ രണ്ടിലെ മൂന്നാം ക്യാപ്റ്റനായി പ്രദീപ് ചന്ദ്രൻ ചുമതലയേറ്റു. ഇനി മത്സരാത്ഥികളെ നിയന്ത്രിക്കുന്നതും പണികൊടുക്കുന്നതും പ്രദീപാണ്. പ്രദീപിന്റെ നേതൃത്വത്തിൽ ആയിരിക്കും. ഇനി ബിഗ് ബോസ്സിലെ ഓരോ നിർദേശങ്ങളും പാലിക്കപ്പെടുന്നത് പ്രദീപിന്റെ കീഴിലായിരിക്കും.
വളരെ രസകരമായ ടാസ്ക്കിലൂടെയാണ് മൂന്നാം ക്യാപ്റ്റനെ തിരെഞ്ഞെടുത്തത്. കഴിഞ്ഞ വീക്കിലി ടാസ്ക്കിൽ മികച്ച പ്രകടം കാഴ്ചവച്ചവരെ തിരഞ്ഞെടുക്കാൻ ബിഗ് ബോസ് നിർദേശിച്ചിരുന്നു. ഇതിൽ മൂന്നു പേരുടെ പേരാണ് മുന്നിൽ വന്നത്. സുരേഷ് കൃഷ്ണൻ, പ്രദീപ് ചന്ദ്രൻ, ആര്യ എന്നിവരായിരുന്നു മറ്റ് മത്സരാർത്ഥികൾ തിരെഞ്ഞെടുത്ത ബെസ്റ്റ് പെർഫോർമേഴ്സ്. തുടർന്ന് ഇവരിൽ നിന്നും ക്യാപ്പ്റ്റനായി ടാസ്ക്കിലുടെ തിരഞ്ഞെടുക്കപ്പെടും എന്ന നിർദേശവുമെത്തി. ഒരു ബാസ്ക്കറ്റിനുള്ളിൽ കുറച്ച് അക്ഷരങ്ങളും പിന്നെ മൂന്ന് ബോർഡും ഗാർഡൻ ഏരിയയിൽ സ്ഥാപിച്ചിരുന്നു. ഇതിൽ മുന്ന് നിറത്തിൽ ക്യാപ്റ്റൻ എന്ന് എഴുതിയിട്ടുണ്ട്. അവയുടെ സ്ഥാനത് ബാസ്ക്കറ്റിനുള്ളിൽ നിന്നും അക്ഷരങ്ങൾ കൃത്യമായി എടുത്ത് ഒട്ടിച്ചു വെക്കണം. മൂന്നു നിറത്തിലാണ് അക്ഷരങ്ങൾ. ഏറ്റവും രസകരം എന്തെന്നാൽ മൂവരുടെയും കണ്ണുകൾ മറച്ചിട്ടുണ്ട് എന്നാണ്. കണ്ണുകെട്ടിവെച്ചാണ് മൂവരും മത്സരിക്കേണ്ടത്. ഇഷ്ട്ടമുള്ള മൂന്നു നിറങ്ങളും തിരഞ്ഞെടുക്കാം. വളരെ വാശിയേറിയ മത്സരമായിരുന്നു പിന്നീട് നടന്നത്. ഇതിനു കാരണം, വരും ദിവസം നേരിടേണ്ടി വരുന്ന എലിമിനേഷൻ പ്രക്രിയയിൽ വിജയിക്കുന്ന ക്യാപ്റ്റൻ ഉൾപ്പെടില്ല. ആവേശകരമായി തന്നെ മത്സരം ആരംഭിച്ചു. ഇവരെ സഹായിക്കാനും നിർദേശങ്ങൾ നൽകാനും മത്സരാർത്ഥികളായ വീണ, രഘു, ഫക്രു എന്നിവർ മുന്നിൽ തന്നെ ഉണ്ടായിരുന്നു.
ഒടുവിൽ ഏറ്റവും കുറഞ്ഞ സമയത്തിനുള്ളിൽ മത്സരം പൂർത്തിയാക്കി വിജയ കിരീടം ചൂടിയത് പ്രദീപ് ചന്ദ്രനായിരുന്നു. വളരെ പോരാടി ആര്യ രണ്ടാം സ്ഥാനത്തെത്തി. വളരെ ചെറിയ സമയ വ്യത്യാസത്തിലായിരുന്നു ആര്യയെ പിന്തള്ളി പ്രദീപ് മുന്നിലെത്തിയത്. വിജയിയെ തിരഞ്ഞെടുക്കാൻ ബിഗ് ബോസ് ചുമതലപ്പെടുത്തിയത് മുൻ ക്യാപ്റ്റൻ സാജുവിനെയായിരുന്നു. കുറഞ്ഞ സമയത്തിനുള്ളിൽ ടാസ്ക്ക് പൂർത്തിയാക്കിയ പ്രദീപിനെ തന്നെയായിരുന്നു സാജുവും വിജയിയായി നിർദേശിച്ചത്. തുടർന്ന് കയ്യടികളോടെ ഏവരും പ്രദീപിനെ പുതിയ ക്യാപ്റ്റനായി സ്വാഗതം ചെയ്തു. തുടർന്ന് നാലു ഗ്രുപ്പുകളിലായി അടുത്ത ആഴ്ച വിവിധ ജോലികൾ ചെയ്യേണ്ടവരെ തിരഞ്ഞെടുക്കുകയും ചെയ്തു.
ഇനി ബിഗ് ബോസ്സിൽ പ്രദീപിന്റെ ഭരണം മറ്റ് മത്സരാർത്ഥികൾ എങ്ങനെ സ്വീകരിക്കുമെന്ന് വരും എപ്പിസോഡുകളിൽ കണ്ടറിയാം. രാജിനി ചാണ്ടിയുടെമേൽ ഉന്നയിക്കപ്പെട്ട പരാതികൾ പ്രദീപിലും ആവർത്തിക്കപ്പെടുമോയെന്നും വരും ദിനങ്ങളിലൂടെ പ്രേക്ഷകർക്ക് കണ്ടറിയാം.
https://www.facebook.com/Malayalivartha