ജാക്കറ്റണിഞ്ഞ് സ്റ്റൈലിഷ് ലുക്കിൽ മെഗാസ്റ്റാർ; ഷൈലോക്കിന്റെ ഓഡിയോ ലോഞ്ചിങ് ചിത്രങ്ങൾ വൈറലാകുന്നു
സ്റ്റൈലിന്റെയും ലുക്കിന്റെയും കാര്യത്തില് മലയാളത്തില് ഇപ്പോഴും മുന്നില് മെഗാസ്റ്റാര് മമ്മൂട്ടി തന്നെയാണ്. മമ്മൂക്കയുടെ വസ്ത്രധാരണം എല്ലായിപ്പോഴും ട്രെൻഡുകൾ സൃഷ്ടിക്കാറുമുണ്ട്. സൂപ്പര് താരം ഇടയ്ക്കിടെ സോഷ്യല് മീഡിയയില് പങ്കുവെക്കാറുളള ചിത്രങ്ങളാണ് തരംഗമാകാറുളളത്. കൂടാതെ മെഗാസ്റ്റാര് നടത്താറുളള ഫോട്ടോഷൂട്ട് ചിത്രങ്ങളും അമ്പരപ്പിക്കുന്നവയാണ്. നിമിഷ നേരം കൊണ്ടാണ് ഇതെല്ലാം സമൂഹ മാധ്യമങ്ങളില് തരംഗമാകാകുന്നത് . കഴിഞ്ഞ ദിവസം നടന്ന ഷൈലോക്ക് ഓഡിയോ ലോഞ്ചിലും പതിവ് തെറ്റിക്കാതെ തന്നെ മെഗാസ്റ്റാര് എത്തി. സ്റ്റൈലിഷ് ലുക്കിലാണ് ഇത്തവണയും സൂപ്പര് താരം എത്തിയത്. ബിഗ് ബഡ്ജറ്റ് ചിത്രത്തിന്റെ റിലീസിനോടനുബന്ധിച്ച് ഓഡിയോ ലോഞ്ച് കഴിഞ്ഞ ദിവസം ഗല്ഫില് ആണ് നടത്തിയത്..
സിനിമയിലെ അണിയറപ്രവര്ത്തകരെല്ലാം തന്നെ പങ്കെടുത്ത ചടങ്ങില് തിളങ്ങിയത് മെഗാസ്റ്റാര് ആയിരുന്നു . മമ്മൂക്കയ്ക്കൊപ്പം സത്യന് അന്തിക്കാട്, മീന, അജയ് വാസുദേവ്, ജോബി ജോര്ജ്ജ്, ഗോപി സുന്ദര്, ബിബിന് ജോര്ജ്ജ്, തിരക്കഥാകൃത്തുകളായ അനീഷ് ഹമീദ്, ബിബിന് മോഹന് തുടങ്ങിയവരും ചടങ്ങിൽ പങ്കെടുത്തു.ഓഡിയോ ലോഞ്ച് ചടങ്ങില് ഷൈലോക്കിലെ ആദ്യ വീഡിയോ ഗാനവും അണിയറപ്രവര്ത്തകര് പുറത്തുവിട്ടിരുന്നു. സിനിമയിലെ ആദ്യ പാട്ട് സോഷ്യല് മീഡിയയില് ഒന്നടങ്കം തരംഗമായി കഴിഞ്ഞു.
ഗോപി സുന്ദറിന്റെ സംഗീതത്തില് സരിഗമപ എന്ന സംഗീത റിയാലിറ്റി ഷോയിലെ മത്സരാർത്ഥികളായ ശ്വേത അശോക്, നാരായണി ഗോപന്, നന്ദ ജെ ദേവന് തുടങ്ങിയവര് ചേര്ന്നാണ് ഈ ഗാനം ആലപിച്ചിരിക്കുന്നത്. രാജാധിരാജ, മാസ്റ്റര്പീസ് തുടങ്ങിയ ഹിറ്റ് ചിത്രങ്ങള്ക്ക് ശേഷം മമ്മൂട്ടിയും സംവിധായകന് അജയ് വാസുദേവും ഒന്നിക്കുന്ന ചിത്രം കൂടിയാണ് ഷൈലോക്ക്.
ഷൈലോക്കില് വേറിട്ട ഗെറ്റപ്പിലാണ് മമ്മുട്ടി എത്തുന്നത്. ഇത്തവണ നെഗറ്റീവ് ഷേഡുളള ഒരു കഥാപാത്രമായാണ് മമ്മൂക്ക എത്തുന്നത്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജാണ് ഷൈലോക്കിന്റെ നിര്മ്മതാവ് . ജനുവരി 23ന് ലോകമെമ്പാടുമായി വമ്പന് റിലീസായി ചിത്രം എത്തും.
തമിഴ് താരം രാജ്കിരണ് ആദ്യമായി മലയാളത്തില് അഭിനയിക്കുന്ന എന്ന പ്രത്യേകതയും ഷൈലോക്കിനുണ്ട്. മലയാളം പതിപ്പിനൊപ്പം ഷൈലോക്കിന്റെ തമിഴ് പതിപ്പും പുറത്തിറങ്ങുന്നുണ്ട്. കുബേരന് എന്ന പേരിലാണ് തമിഴില് ഷൈലോക്ക് റീമേക്ക് ചെയ്യുന്നത്. മാമാങ്കത്തിന് ശേഷം മെഗാസ്റ്റാറിനെ പുതിയ ചിത്രത്തിനായി പ്രേക്ഷകർ ഏറെ പ്രതീക്ഷകളോടെയാണ് കാത്തിരിക്കുന്നത്.
https://www.facebook.com/Malayalivartha