കുറഞ്ഞ നാളുകൾക്കുള്ളിൽ തന്നെ തമിഴകത്തിന്റെ താരറാണി പട്ടം സ്വന്തമാക്കിയ നടിയാണ് നയൻ‌താര. തമിഴകത്തിന്റെ ലേഡീ സൂപ്പര്‍സ്റ്റാർ എന്നുതന്നെ താരത്തെ വിശേഷിപ്പിക്കാം. ഗ്ലാമറസ് വേഷങ്ങളും അഭിനയ പ്രാധാന്യ വേഷങ്ങളും ഒരുപോലെ കൈകാര്യം ചെയ്യുന്ന നടി ആരാധകർക്ക് പ്രിയ്യപ്പെട്ട നയൻസാണ്. തമിഴിൽ ഏറ്റവുമധികം ആരാധകരുള്ള നടിയും നയൻതാര തന്നെ. സൗന്ദര്യവും അഭിനയ മികവും ഒരുപോലെ ഒത്തിണങ്ങിയ നടിയുടെ താരമൂല്യവും അത്രയേറെ വലുതാണെന്ന് താരത്തിന്റെ പ്രതിഫലതുക വ്യക്തമാക്കുന്നു. തമിഴിൽ ഏറ്റവും കൂടുതൽ പ്രതിഫലം ഈടാക്കുന്ന നടി നയൻ താരായാണ്. നയന്‍സിന്റെതായി അടുത്തിടെ പുറത്തിറങ്ങിയ ചിത്രങ്ങളെല്ലാം തന്നെ തിയ്യേറ്ററുകളില്‍ നിന്നും വമ്പൻ വിജയം നേടിയിരുന്നു. ബിഗില്‍,ദര്‍ബാര്‍ തുടങ്ങിയവയാണ് നടിയുടെതായി അടുത്തിടെ പുറത്തിറങ്ങിയ സൂപ്പർ ഹിറ്റ് ചിത്രങ്ങൾ . സൂപ്പര്‍താര ചിത്രങ്ങള്‍ക്കൊപ്പം തന്നെ കേന്ദ്രകഥാപാത്രമായുളള സിനിമകളും നടി ചെയ്യുന്നുണ്ട്.

നയന്‍താരയുമായി ബന്ധപ്പെട്ടുളള പുതിയൊരു റിപ്പോര്‍ട്ട് സോഷ്യല്‍ മീഡിയയില്‍ വൈറലാകുകയാണ് .രജനീകാന്ത് ചിത്രം ദര്‍ബാറിലെ നായികാ വേഷത്തിനായി നയന്‍സ് വാങ്ങിയ പ്രതിഫലത്തെക്കുറിച്ചുളള റിപ്പോര്‍ട്ടുകളാണ് ഇപ്പോൾ പുറത്തുവരുന്നത് . സൂപ്പര്‍സ്റ്റാറിന്റെ നായികയായി 20 മിനിറ്റ് മാത്രമുളള വേഷത്തിന് 5 കോടി രൂപയുടെ പ്രതിഫലമാണ് നയന്‍സിന് ലഭിച്ചതെന്ന് റിപ്പോര്‍ട്ടുകള്‍ സൂചിപ്പിക്കുന്നു. ആരാധകർ ഒട്ടേറെ പ്രതീക്ഷകളോടെ കാത്തിരുന്ന ദളപതി ചിത്രമാണ് ദർബാർ. തമിഴകത്തിന്റെ ഹിറ്റ് സംവിധായകൻ ആയ എ ആര്‍ മുരുഗദോസ് ആണ് ചിത്രം സംവിധാനം ചെയ്‍തത്. ഏറെ വർഷങ്ങൾക്ക് ശേഷം രജനികാന്ത് പോലീസ് വേഷത്തിൽ എത്തുന്ന ചിത്രം കൂടിയാണ് ദർബാർ.

തുടര്‍ച്ചയായ വിജയ ചിത്രങ്ങളിലൂടെ തെന്നിന്ത്യയില്‍ താരമൂല്യം കൂടിയ നടിയാണ് നയന്‍താര. ദര്‍ബാറില്‍ നയന്‍താരയേക്കാള്‍ കൂടുതല്‍ രംഗങ്ങള്‍ രജനിയുടെ മകളായി എത്തിയ നിവേദ തോമസിനുണ്ടായിരുന്നു. കുറച്ചു സമയം മാത്രമാണ് ഉണ്ടായതെങ്കിലും പതിവ് പോലെ സ്‌ക്രീന്‍ പ്രസന്‍സുകൊണ്ട് ചിത്രത്തില്‍ നയന്‍സ് തിളങ്ങി. തമിഴില്‍ നെട്രികണ്‍, മൂക്കുത്തി അമ്മന്‍ തുടങ്ങിയവയാണ് നയന്‍താരയുടെതായി അണിയറയില്‍ ഒരുങ്ങുന്ന പുതിയ ചിത്രങ്ങള്‍. നയന്‍സിന്റെ കാമുകന്‍ വിഘ്‌നേഷാണ് താരത്തിന്റെ പുതിയ ചിത്രമായ നെട്രികണ്‍ നിര്‍മ്മിക്കുന്നത്.

ശ്രീരാമ രാജ്യം (2011) എന്ന ചിത്രത്തിലെ സീതയെ അവതരിപ്പിച്ചതിലൂടെ മികച്ച തെലുങ്ക് നടിക്കുള്ള ഫിലിംഫെയർ അവാർഡും മികച്ച നടിക്കുള്ള നൻദി അവാർഡും ലഭിച്ചു. രാജാ റാണി (2013), നാനും റൗഡി താൻ (2015), അരം (2017) എന്നീ ചിത്രങ്ങളിലെ അഭിനയത്തിന് മികച്ച തമിഴ് നടിക്കുള്ള ഫിലിംഫെയർ അവാർഡ് നേടി. കൊച്ചി ടൈംസിന്റെ “2014 ലെ ഏറ്റവും അഭിലഷണീയമായ 15 സ്ത്രീകളുടെ പട്ടിക” യിൽ നയൻതാരയും ഉൾപ്പെട്ടിരുന്നു . പുതിയ നിയമം (2016) എന്ന ചിത്രത്തിലെ അഭിനയത്തിന് 2017 ൽ മികച്ച മലയാള നടിക്കുള്ള ഫിലിംഫെയർ അവാർഡ് ലഭിച്ചു.താരത്തിന്റെ മലയാളത്തിലെ ആദ്യത്തെ ഫിലിംഫെയർ അവാർഡ് ആയിരുന്നു അത് . ദക്ഷിണേന്ത്യയിൽ നിന്ന് 'ഫോബ്‌സ് ഇന്ത്യ സെലിബ്രിറ്റി 100' 2018 പട്ടികയിൽ ഇടം നേടിയ ഏക വനിതാ അഭിനേതാവാണ് നയൻ‌താര. നയൻതാരയുടെ ആകെ വരുമാനം 15.17 കോടി രൂപയാണ് എന്നാണ് റിപോർട്ടുകൾ.