ആദ്യം അകത്തായതും പുറത്തായതും രാജിനി ചാണ്ടി; രാജിനിക്ക് വിധിയെഴുതിയതാര്; രണ്ടാഴ്ചക്കിടെ ബിഗ് ബോസ്സിൽ സംഭവിച്ചതെന്ത്; ആകാംഷയോടെ ആരാധകർ കാത്തിരുന്ന നിമിഷങ്ങൾ വന്നെത്തി
അങ്ങനെ ആ ദിനം വന്നെത്തി. മത്സരാര്ഥികളും പ്രേക്ഷകരും ഒരുപോലെ പേടിയോടെ വിരലെണ്ണി കാത്തിരുന്ന ആ ദിനം ആണ് വന്നെത്തിയത് . ബിഗ് ബോസ് സീസൺ രണ്ടിന്റെ ആദ്യ എലിമിനേഷന് ആയിരുന്നു മത്സരാർത്ഥികളും പ്രേക്ഷകരും കഴിഞ്ഞ എപ്പോസോഡിൽ സാക്ഷ്യം വഹിച്ചത്. ആരാകും പുറത്ത് പോകുകയെന്ന ആകാംഷയിലായിരുന്നു പ്രേക്ഷകരും. മത്സരാർത്ഥികൾ മുൾമുനയിലും . ശനിയാഴ്ചത്തെ എപ്പിസോഡിൽ പുറത്തുപോകേണ്ട ആറു പേരെ മത്സരാത്ഥികൾ നിർദേശിച്ചിരുന്നു. അതിന്റെ അടിസ്ഥാനത്തിൽ ആയിരുന്നു അന്തിമ വിധി ഇന്നലെ പുറപ്പെടുവിച്ചത്.
രജിത്ത് കുമാർ, രാജിനി ചാണ്ടി, എലീന പടിക്കൽ, സുജോ മാത്യു, സോമദാസ് ,അലക്സാൻഡ്ര എന്നിവരായിരുന്നു പുറത്തുപോകാൻ വിധിക്കപ്പെട്ട ആറുപേർ. ഇവർ എല്ലാവരും തന്നെ തങ്ങളുടെ ബാഗ് പാക്ക് ചെയ്ത് പോകാനുള്ള മുഴുവൻ തയ്യാറെടുപ്പുകളിലും ആയിരുന്നു. അവസാനം അമരക്കാരനായ മോഹൻ ലാൽ തന്നെ മറ്റ് ആറു മത്സരാർത്ഥികൾക്ക് നല്ലൊരു പണി കൊടുത്തു. ബിഗ് ബോസ്സിൽ ഇനിയും തുടരണമെന്ന് അവർ ആഗ്രഹിക്കുന്ന ഒരു വ്യക്തിയെ തിരഞ്ഞെടുക്കാനായിരുന്നു മോഹൻ ലാൽ നൽകിയ നിർദേശം. കൂടുതൽ പേരും തിരെഞ്ഞടുത്തത് സുജോ മാത്യു, രാജിനി, അലക്സാൻഡ്ര എന്നിവരയെയായിരുന്നു. അന്തിമ വിധി എഴുതുന്നത് പ്രേക്ഷകരായിരുന്നു. വോട്ടിങ്ങിന്റെ അടിസ്ഥാനത്തിൽ ആയിരുന്നു വിധിയെഴുത്ത്. പുറത്തുപോകേണ്ടവരുടെ ലിസ്റ്റിൽ നിന്നും ഓരോരുത്തരായി ഒഴിവായി കൊണ്ടിരുന്നു. അവസാനം അവശേഷിച്ചത് രാജിനിയും രജിത്ത് കുമാറും ആയിരുന്നു. ഹൃദയമിടിപ്പുകൾ വർധിച്ച നിമിഷങ്ങൾ. ഇവരിൽ ആര് പുറത്താകും എന്ന ആകാംഷ അതിന്റെ ഉച്ഛസ്ഥായിലെത്തി. രജിത്ത് കുമാറാണ് പോകേണ്ട വ്യക്തി എന്ന നിലയിലായിരുന്നു മോഹൻ ലാൽ സംസാരിച്ചു തുടങ്ങിയത്. എന്നാൽ അവസാനം രജിത്ത് കുമാർ പോകും പക്ഷെ ഇന്നല്ല എന്ന ഒറ്റ വാചകമാണ് കാത്തിരിപ്പിന് വിരാമമിട്ടുകൊണ്ട് വിധിയുടെ നേർ രേഖ കാട്ടിത്തന്നത്. അവസാനം പുറത്തുപോകാൻ നറുക്കു വീണത് ബിഗ് ബോസ് ഹൗസിലേക്ക് ആദ്യം ചുവടുവെച്ച രാജിനി ചാണ്ടിക്കു തന്നെയായിരുന്നു. വികാര നിർഭര നിമിഷങ്ങളായിരുന്നു പിന്നീട് ബിഗ് ഹൗസിൽ നടന്നത്. ഏവരും കണ്ണീരോടെ രാജിനിയെ യാത്രയാക്കി.
തുടർന്ന് രാജിനി മോഹൻ ലാലിൻറെ അടുത്തെത്തുകയും ബിഗ് ബോസ്സിലെ തന്റെ അനുഭവങ്ങൾ പങ്കുവെക്കുകയും ചെയ്തു. വെളുപ്പിനെ എഴുന്നേൽക്കുന്നതും എല്ലാവർക്കും വേണ്ടി പാചകം ചെയ്യുന്നതും സാജുവുമൊത്തുള്ള പാചകവും ഒക്കെയായിരിക്കും താൻ ഏറ്റവും കൂടുതൽ ബിഗ് ഹൗസിൽ നഷ്ടപ്പെടാൻ പോകുന്നത് എന്നും രാജിനി വെളിപ്പെടുത്തി.
ബിഗ് ബോസ്സിൽ ഇനി പുതിയൊരു അദ്ധ്യായമാണ് തുടങ്ങാൻ പോകുന്നത്. 17 ൽ നിന്നും 16 പേരായി ചുരുങ്ങിയിരിക്കുന്നു. ഇനി എന്തൊക്കെ സംഭവ വികാസങ്ങളാണ് ബിഗ് ബോസ്സിൽ സംഭവിക്കാൻ പോകുന്നതെന്ന് കാത്തിരുന്നു കാണാം .
https://www.facebook.com/Malayalivartha