ആക്‌ഷൻ രംഗങ്ങളും സൂപ്പർ ഫൈറ്റുമൊക്കെയായി ലോക പ്രേക്ഷകരെ മുഴുവൻ കോരിത്തരിപ്പിച്ച വമ്പൻ താരമാണ് ജാക്കി ചാൻ. ചൈനക്ക് പുറമെ ലോകമെമ്പാടും ആരാധകരുണ്ട് ഈ നടന്. ആക്ഷന്‍ കിംഗ് ജാക്കി ചാന്‍ മലയാളത്തിലേക്ക് ചുവടുവെക്കുന്നു എന്ന വാർത്തകളാണ് ഇപ്പോൾ മലയാളി പ്രേക്ഷകരെ ആവേശം കൊള്ളിച്ചു കൊണ്ട് പുറത്തു വരുന്നത് . മോഹന്‍ലാല്‍ ചിത്രത്തിലൂടെയാണ് ജാക്കി ചാന്‍ മലയാളത്തിലെക്ക് അരങ്ങേറ്റം കുറിക്കുന്നത് . വര്‍ഷങ്ങളായി ആരാധകര്‍ കാത്തിരിക്കുന്ന 'നായര്‍-സാന്‍' ആയിരിക്കും ജാക്കി ചാന്റെ ആദ്യ മലയാള ചിത്രം.

ചിത്രത്തിന്റെ ജോലികള്‍ ഉടന്‍ ആരംഭിക്കുമെന്ന റിപ്പോര്‍ട്ടുകള്‍ ആണ് പുറത്തു വരുന്നത്. സംസ്ഥാന അവാര്‍ഡ് നേടിയ സംവിധായകന്‍ ആല്‍ബര്‍ട്ട് ആന്റണിയായിരിക്കും ചിത്രം നിര്‍മ്മിക്കുക എന്നാണ് റിപ്പോര്‍ട്ടുകള്‍. സ്വാതന്ത്ര്യസമരത്തിന്റെ കഥയാണ് ചിത്രംപങ്കുവെക്കുന്നത്. അയ്യപ്പന്‍ പിള്ള മാധവന്‍ നായര്‍ എന്ന സ്വാതന്ത്ര്യ സമര സേനാനിയായാണ് മോഹന്‍ലാല്‍ എത്തുന്നത്. ജാക്കി ചാൻ ചിത്രത്തിൽ അഭിനയിക്കുന്നത്ഒരു ജാപ്പനീസ് ആയോധനകല വിദഗ്ദ്ധനായി ആണ്,
ജപ്പാനിൽ നിന്ന് ഇന്ത്യയിൽ ബ്രിട്ടീഷ് ഭരണത്തിനെതിരെ പോരാടിയ അയ്യപ്പൻ പിള്ള മാധവൻ നായറിന്റെ (മോഹൻലാൽ) ജീവിതമാണ് നായർ സാൻ എന്ന സിനിമയുടെ പ്രമേയം.

നായർ സാൻ  എന്നറിയപ്പെടുന്ന നായർ ജപ്പാനിൽ ജോലി ചെയ്തിരുന്നു. ഇന്ത്യൻ നാഷണൽ ആർമിയുടെ (ഐ‌എൻ‌എ) സ്ഥാപകരിലൊരാളായ റാഷ് ബിഹാരി ബോസുമായി അദ്ദേഹത്തിന് നല്ല ബന്ധമുണ്ടായിരുന്നു. ഇന്ത്യൻ സ്വാതന്ത്ര്യ സമരവും ജാപ്പനീസ് സർക്കാരും തമ്മിലുള്ള പ്രധാന കണ്ണിയായിരുന്നു നായർസൻ

ടോക്കിയോയിലെ ലോകപ്രശസ്ത ജിൻസ നായർ റെസ്റ്റോറന്റിന്റെ ഉടമയായ ഈ പ്രമുഖൻ തിരുവനന്തപുരം സ്വദേശിയാണ്. എഞ്ചിനീയറിംഗ് വിദ്യാർത്ഥിയായാണ് ജപ്പാനിലെത്തിയത്. പിന്നീട് ജപ്പാനിൽ സ്ഥിരതാമസമാക്കി ഒരു ജാപ്പനീസ് പെൺകുട്ടിയെ വിവാഹം കഴിച്ചു.
അരനൂറ്റാണ്ടിലേറെ ജപ്പാനിൽ താമസിച്ചിരുന്ന നായർസൻ വർഷങ്ങളോളം മഞ്ചൂറിയയിൽ ചെലവഴിച്ചു. അവിടെ അദ്ദേഹം മഞ്ചുകുവോ സർക്കാരിന്റെയും ക്വാങ്‌ടംഗ് ആർമിയുടെയും അനൗദ്യോഗിക ഉപദേശകനായിരുന്നു. ഇന്ത്യയിലും ഏഷ്യയുടെ മറ്റ് ഭാഗങ്ങളിലും ബ്രിട്ടീഷ് സാമ്രാജ്യത്വത്തിനെതിരെ കൊളോണിയൽ വിരുദ്ധ പ്രസ്ഥാനം നടത്തി.

ഈ വര്‍ഷം അവസാനത്തോടെ ചിത്രത്തിന്റെ ജോലികളിക്കേ് അണിയറ പ്രവര്‍ത്തകര്‍ കടക്കും. 2008 മുതല്‍ ആരാധകര്‍ കാത്തിരിക്കുന്നതാണ് 'നായര്‍ സാനി'നു വേണ്ടി. ചിത്രത്തെ കുറിച്ച്‌ പല തരത്തിലുള്ള അഭ്യൂഹങ്ങളും പുറത്തുവന്നിരുന്നു . ഒടുവില്‍ ഈ കാത്തിരിപ്പാണ് യഥാര്‍ഥ്യമാകുന്നത് .
നവ്യ നായരെ നായികയാക്കി ഒരുക്കിയ കണ്ണേ മടങ്ങുകയായിരുന്നു ആല്‍ബര്‍ട്ടിന്റെ ആദ്യ ചിത്രം.മൂന്ന് ചലച്ചിത്ര അവാര്‍ഡുകളാണ് ചിത്രം നേടിയത്. 

മലയാള സിനിമലോകം ചരിത്ര നിമിഷങ്ങളിലേക്കാണ് ഉറ്റു നോക്കുന്നത്. ലോക താരമായ ആക്‌ഷൻ ഹീറോ ജാക്കി ചാനും മലയാളത്തിന്റെ സൂപ്പർ സ്റ്റാർ മോഹൻ ലാലും ഒന്നിക്കുമ്പോൾ ചരിത്രത്തിന്റെ പുതിയൊരു അധ്യായത്തിനാണ് തുടക്കം കുറിക്കുന്നത്. ഈ ചിത്രത്തിലൂടെ ഇന്ത്യ ചൈന ബന്ധം കൂടുതൽ ദൃഢമാകുമോയെന്നും കാത്തിരുന്നറിയാം.