രണ്ടാഴ്ച പിന്നിട്ടപ്പോൾത്തന്നെ മലയാളി പ്രേക്ഷകരുടെ ഹൃദയം കീഴടക്കി മുന്നേറുകയാണ് ബിഗ് ബോസ് സീസൺ രണ്ട്. മത്സരാത്ഥികളെല്ലാം തന്നെ ഗെയിമിന്റെചൂടിലേക്ക് കടന്നു കഴിഞ്ഞു. ഗെയിമിന്റെ രീതികളും നിയമങ്ങളുമെല്ലാം ഒരുവിധമെല്ലാം മനസ്സിലാക്കി കഴിഞ്ഞു. ഇനിയുള്ള ദിനങ്ങൾ വിലപ്പെട്ടതാണെന്നും സൂക്ഷ്മതയോടെ മുന്നോട്ടു പോകണമെന്നും മനസ്സിലാക്കി തന്നെയാണ് ഇപ്പോൾ മത്സരാർത്ഥികൾ ഓരോ ചുവടും വെക്കുന്നത്. ഇതിന്റെ ഭാഗമായി പല രഹസ്യ നീക്കങ്ങളും ബിഗ് ബോസ് ഹൗസിൽ നടക്കുന്നുണ്ട്. ഇനി കളിയൊന്നു മാറ്റിക്കളിക്കാം എന്ന് കഴിഞ്ഞ എപ്പിസോഡുകളിൽ രജിത്ത് കുമാർ ആത്മഗതം ചെയ്തത്തിന്റെ തുടർച്ചയാണോ ഈ പുതിയ നീക്കങ്ങൾ എന്ന ആകാംക്ഷയിലാണ് പ്രേക്ഷകർ.

ബിഗ് ബോസ്സിൽ പുറത്തു പോകേണ്ടവരിൽ ഏറ്റവും കൂടുതൽ നോമിനേഷൻ ലഭിച്ച മത്സരാത്ഥികളാണ് ഇപ്പോൾ പുതിയതായി ബിഗ് ഹൗസിൽ ഒത്തുചേർന്നിരിക്കുന്നത്. രജിത് കുമാർ, എലീന പടിക്കൽ, പരീക്കുട്ടി എന്നിവരണാ മൂവർ സംഘം. ഇനി ബിഗ് ബോസ്സിൽ തുടരേണ്ടതെങ്ങനെയെന്നും പെരുമാറേണ്ടതെങ്ങനെയെന്നും ഇവർ മൂന്നുപേരും ചേർന്ന് പദ്ധതിയിടുന്നുണ്ട്. ബിഗ് ബോസ്സിൽ മറ്റെല്ലാവരും തങ്ങൾക്കെതിരാണെന്നും ഇനി തുടരേണ്ടത് സുക്ഷിച്ചാണെന്നും ഒക്കെ ഇവർ അതീവ രഹസ്യമായി ചർച്ചചെയുന്നുമുണ്ട് . ബിഗ് ഹൗസിൽ നിരവധി സംഘങ്ങൾ ഉണ്ടെന്നും ഇവരൊക്കെ പ്രബലരാണെന്നും തങ്ങൾക്കെതിരായാണ് ഇവർ പ്രവർത്തിക്കുന്നതെന്നുമൊക്കെ രജിത്ത് കുമാറിന്റെ നേതൃത്വത്തിൽ സംഘം കുടിയാലോചിക്കുന്നുണ്ട്. രജിത്ത് കുമാറാണ് കുടുതലും നിർദേശങ്ങൾ മൂവർ സംഘത്തിന് നൽകുന്നത്.സുജോയും എലീനയും തമ്മിലുണ്ടായ വഴക്കിനെ കുറിച്ചും രജിത്ത് കുമാർ അഭിപ്രായ പ്രകടനം നടത്തുന്നുണ്ട്. എലീന സുജോയെ അലവലാതി എന്ന് വിളിച്ചതിനെത്തുടർന്നുണ്ടായ പ്രശ്നത്തെയാണ് രജിത്ത് കുമാർ ചൂണ്ടിക്കാട്ടിയത്. എലീന ആയതുകൊണ്ട് മാത്രമാണ് താൻ ഇടപെടാത്തതെന്നും എലീന ആ പദം സാധാരണയായി ആണ് പ്രയോഗിച്ചതെന്നു തനിക്ക് മനസ്സിലായെന്നും എന്നാൽ എലീനയുടെ സ്ഥാനത്ത് ആര്യയോ വീണയോ ഒക്കെ ആയിരുന്നുവെങ്കിൽ താൻ വലിയ പ്രശ്നമുണ്ടാക്കുമായിരുന്നുവെന്നും രജിത്ത് കുമാർ പറഞ്ഞു. ഇതിനുശേഷമാണ് ഇനി തങ്ങൾ ഒറ്റക്കെട്ടായി നിൽക്കണമെന്നും ഇനി മുന്നോട്ടുള്ള കാര്യങ്ങൾ ശ്രദ്ധിക്കണമെന്നും ഒക്കെ മൂവരും ചേർന്ന് തീരുമാനിക്കുന്നത്. എലീന എങ്ങനെയാണെന്ന് തനിക്കറിയാം എന്നുമൊക്കെ രജിത്ത് കുമാർ അഭിപ്രായപ്പെടുന്നുണ്ട്.

ഇനി ബിഗ് ബോസ്സിൽ സംഭവിക്കാൻ പോകുന്നത് ഈ മൂവർ സംഘത്തിന്റെ എന്തൊക്കെ പ്രകടനങ്ങളാണെന്നു കണ്ടറിയാം. ബിഗ് ബോസ്സിലും ഗ്രുപ്പിസം നടപ്പാകുകയാണോ എന്ന ആകാംക്ഷയിലാണ് പ്രേക്ഷകർ. രജിത്ത് കുമാർ എന്തൊക്കെ കാര്യങ്ങളാണ് ഇനി ഈ മൂവർ സംഘത്തിൽ നടപ്പിലാക്കാൻ പോകുന്നതെന്നും വരും എപ്പിസോഡുകളിൽ കണ്ടറിയാം. ഇവരുടെ നീക്കങ്ങൾ മറ്റുള്ളവരിൽ ഇതുവരെ സംശയമൊന്നും ഉണ്ടാക്കിയിട്ടില്ല. എലിമിനേഷനിൽ നിന്നും ഒഴിവാക്കാനുള്ള നീക്കണങ്ങളാണോ ഈ പുതിയ പദ്ധതി എന്നും വരും ദിനങ്ങൾ മനസ്സിലാക്കിത്തരും എന്ന് തന്നെ പ്രതീക്ഷിക്കാം. ഇനി ബിഗ് ബോസ്സിൽ കാണുന്നത് ഏവരുടെയും പുതിയ മുഖമാണോ എന്ന കാത്തിരിപ്പിലാണ് ആരാധകർ.