തണ്ണീർ മത്തൻ ദിനങ്ങൾ എന്ന ചിത്രത്തിലെ അശ്വതി ടീച്ചറെ മലയാളി പ്രേക്ഷകർക്ക് ഒരിക്കലും മറക്കാനാകില്ല. രവി പദ്മനാഭൻ എന്ന അധ്യാപകനെ ആത്മാർത്ഥമായി പ്രണയിക്കുന്ന ടീച്ചർ ചിത്രമിറങ്ങി കുറച്ചു നാളുകൾക്കുള്ളിൽ തന്നെ പ്രേക്ഷക ഹൃദയം കീഴടക്കിയിരുന്നു. എന്നാൽ വ്യാജ അധ്യാപകൻ പിടിയിലായതോടെ ടീച്ചറുടെ പ്രണയം പൂവണിഞ്ഞില്ല. പക്ഷെ യഥാർത്ഥ ജീവിതത്തിൽ തന്റെ പ്രണയം സ്വന്തമാക്കിയിരിക്കുകയാണ് ശ്രീ രഞ്ജിനി എന്ന അശ്വതി ടീച്ചർ. പെരുമ്പാവൂര്‍ സ്വദേശിയായ രഞ്ജിത്ത് ആണ് അശ്വതിയെ താലി ചാർത്തിയത്.

മൂക്കുത്തി, ദേവിക പ്ലസ്ടു ബയോളജി തുടങ്ങിയ ഹ്രസ്വചിത്രങ്ങളിലെ ശ്രീ രഞ്ജിനിയുടെ കഥാപാത്രം വളരെയധികം പ്രേക്ഷക ശ്രദ്ധ നേടിയിരുന്നു.ഈ രണ്ട് ഹ്രസ്വചിത്രങ്ങളും യു ട്യൂബിൽ വമ്പൻ ഹിറ്റായിരുന്നു . പോരാട്ടം, അള്ള് രാമേന്ദ്രന്‍ എന്നീ ചിത്രങ്ങള്‍ സംവിധാനം ചെയ്ത ബിലഹരി ശ്രീ രഞ്ജിനിയുടെ സഹോദരന്‍ ആണ്. അച്ഛന്‍ ഉണ്ണിരാജ് സംഗീതജ്ഞനാണ്, അമ്മ രമാ ദേവി അഭിനേത്രിയും. ചലച്ചിത്ര താരം അപർണ്ണ ബാലമുരളി വിവാഹ ചടങ്ങിൽ പങ്കെടുക്കാനെത്തിയിരുന്നു.