ഉപ്പും മുളകുമെന്ന പരമ്പരയിലെ ലച്ചുവിനെ അവതരിപ്പിക്കുന്ന ജൂഹി റുസ്തഗിക്ക് വളരെ മികച്ച പ്രേക്ഷക ശ്രദ്ധയാണ് ലഭിച്ചുകൊണ്ടിരിക്കുന്നത്. സോഷ്യല്‍ മീഡിയയില്‍ സജീവമായ നടിക്ക് ആരാധകരേറെയാണ്. നിമിഷനേരം കൊണ്ടാണ് താരം പങ്കുവെക്കുന്ന പോസ്റ്റുകൾ വൈറലായി മാറുന്നത്. അടുത്തിടെയായിരുന്നു ലച്ചുവിന്റെ വിവാഹം ഉപ്പും മുളകുമെന്ന പരമ്പരയിൽ നടന്നത്. ആയിരം എപ്പിസോഡിന് പിന്നാലെയാണ് ലച്ചുവിന്റെ വിവാഹവും നടത്തിയത്. പ്രേക്ഷകര്‍ക്ക് സുപരിചിതനായ ഡെയ്ന്‍ ഡേവിസായിരുന്നു ലച്ചുവിന്റെ വരനായ സിദ്ധാര്‍ത്ഥിനെ അവതരിപ്പിക്കുന്നത് . വിവാഹം കഴിഞ്ഞതിന് ശേഷം ഇരുവരും പരമ്പരയില്‍ നിന്നും അപ്രത്യക്ഷരായിരുന്നു. ലച്ചുവിന്റെ തിരിച്ചുവരവിനായി കാത്തിരിക്കുകയാണ് പ്രേക്ഷകർ . ലച്ചു പിന്മാറിയോ എന്ന ചോദ്യവുമായി ആരാധകരെത്തിയിരുന്നു.

വിവാഹത്തിന് ശേഷവും താന്‍ ഉപ്പും മുളകിലും ഉണ്ടാവുമെന്നും ജൂഹിയുടെയല്ല ലച്ചുവെന്ന കഥാപാത്രത്തിന്റെ വിവാഹമാണ് നടക്കാന്‍ പോവുന്നതെന്നുമായിരുന്നു താരം വെളിപ്പെടുത്തിയത് . ഫേസ്ബുക്ക് ലൈവിലൂടെ വിശേഷങ്ങള്‍ പങ്കുവെച്ച് ലെച്ചുവെത്തിയിട്ടിരുന്നു . പരമ്പരയില്‍ത്തുടരുമെന്ന് അറിയിച്ചിരുന്നുവെങ്കിലും വിവാഹ ശേഷം ഒരേയൊരു എപ്പിസോഡിൽ മാത്രമാണ് ലച്ചുവിനെ കണ്ടത്. താരത്തിന്റെ വരവിനെക്കുറിച്ച് അണിയറപ്രവര്‍ത്തകര്‍ കൃത്യമായ മറുപടിയൊന്നും നല്‍കിയിരുന്നില്ല.

ജൂഹി അടുത്തിടെയായിരുന്നു തന്റെ പ്രണയം പരസ്യമാക്കിയത്. പ്രണയിതാവായ റോവിനൊപ്പമുള്ള പുതിയ ചിത്രവുമായെത്തിയിരിക്കുകയാണ് താരം ഇപ്പോള്‍.ഡോക്ടര്‍ റോവിനും ജൂഹി റുസ്തഗിയും അടുത്ത സുഹൃത്തുക്കളാണ്. സൗഹൃദം പിന്നീട് പ്രണയമായി മാറുകയായിരുന്നു. അടുത്തിടെയായിരുന്നു ജൂഹി ഈ പ്രണയം പരസ്യമാക്കിയത്. നേരത്തെ ഒരു ആല്‍ബത്തില്‍ ഇരുവരും ഒരുമിച്ച് അഭിനയിച്ചിരുന്നു . ഇവര്‍ ഇരുവരും പ്രണയത്തിലാണോയെന്ന തരത്തിലുള്ള അഭ്യൂഹങ്ങൾ നേരത്തെ വന്നിരുന്നു . ഇതേക്കുറിച്ച് ഇരുവരും പ്രതികരിച്ചിരുന്നില്ല. ഉപ്പും മുളകും സംവിധായകന്റെ പൂജയ്ക്ക് ജൂഹി എത്തിയപ്പോള്‍ റോവിനും ഒപ്പമുണ്ടായിരുന്നു.

പട്ടുപാവാടയും വലിയ കമ്മലുമൊക്കെയായി റോവിന്റെ തോളിലിരിക്കുന്ന ലച്ചുവിന്റെ ഫോട്ടോ കഴിഞ്ഞ ദിവസമായിരുന്നു പുറത്തുവന്നത്. ഇതിനകം തന്നെ ചിത്രം വൈറലായി മാറിയിരിക്കുകയാണ് . ജൂഹി തന്നെയാണ് ഇന്‍സ്റ്റഗ്രാമിലൂടെ ചിത്രം പങ്കുവെച്ചത്. വെളുത്ത നിറത്തിലുള്ള കുര്‍ത്തിയണിഞ്ഞ റോവിനും വലിയ സന്തോഷത്തിലാണ് ചിത്രത്തിൽ കാണുന്നത് . ഇതേത് ചടങ്ങിനിടയിലെ ഫോട്ടോയാണെന്നും പുതിയ ഫോട്ടോ ഷൂട്ടാണോയെന്ന തരത്തിലുമൊക്കെയുള്ള ചോദ്യങ്ങളുമായി ആരാധകരും എത്തിയിട്ടുണ്ട്.

"സൗഹൃദവും പ്രണയവും ഒരാളില്‍ നിന്നും ലഭിക്കുന്നതിനെകുറിച്ചൊന്ന് ചിന്തിക്കൂ"ചിത്രത്തോടൊപ്പം ലെച്ചു കുറിച്ചത്. നിരവധി പേരാണ് ചിത്രത്തിന് കീഴില്‍ കമന്റുകളുമായി എത്തിയിട്ടുള്ളത്. പെട്ടെന്ന് കേള്‍ക്കുന്ന ഗാനങ്ങളെല്ലാം പ്രണയമുള്ളതായി മാറിയെന്ന് പറഞ്ഞായിരുന്നു നേരത്തെ ലച്ചു റോവിനൊപ്പമുള്ള ചിത്രം പങ്കുവെച്ചത് . നാലാമത്തെ പ്രണയമാണ് ഇപ്പോഴത്തേതെന്നും ഇത് എങ്ങനെയായിത്തീരുമെന്ന് അറിയില്ലെന്നുമായിരുന്നു മുന്‍പ് ജൂഹി പറഞ്ഞത്. ഈ പ്രണയം സഫലമാവുമെന്ന് അന്നേ ആരാധകര്‍ ആശംസിച്ചിരുന്നു.

ഉപ്പും മുളകിലേക്ക് ലച്ചു എത്തുന്നതിനായി കാത്തിരിക്കുകയാണ് ആരാധകര്‍ ..ഏതായാലും ഉപ്പും മുളകിലേക്കുമുള്ള താരത്തിന്റെ തിരിച്ചു വരവിനുള്ള കാത്തിരിപ്പിലാണ് ആരാധകർ. ഉടൻ തന്നെ തങ്ങളുടെ പ്രിയപ്പെട്ട ലെച്ചു തിരികെയെത്തുമെന്ന പ്രതീക്ഷയിലാണ് പ്രേക്ഷകരെല്ലാം.