മക്കൾ സെൽവൻ വിജയ് സേതുപതി വീണ്ടും മലയാളത്തിൽ എത്തുന്നു...താരത്തിനൊപ്പം ബിജു മേനോനും മഞ്ജു വാര്യരും ചിത്രത്തില് എത്തുമെന്നും സൂചന
മലയാളികളുടെയും തമിഴ് പ്രേക്ഷകരുടെയും പ്രിയ താരമായ വുജയ് സേതുപതി മലയത്തിൽ വീണ്ടുമെത്തുന്നു.മാര്ക്കോണി മത്തായി എന്ന ചിത്രത്തിലൂടെയാണ് താരം മലയാളത്തില് അരങ്ങേറ്റം കുറിച്ചത്. ജയറാം നായകനായ ചിത്രത്തില് വളരെ പ്രാധാന്യമുളള കഥാപാത്രമായിട്ടാണ് സൂപ്പര്താരം എത്തിയത്. സിനിമയ്ക്ക് സമ്മിശ്ര പ്രതികരണമാണ് പ്രേക്ഷകരിൽ നിന്നും ലഭിച്ചത്. ഒരിടവേളയ്ക്ക് ശേഷം മക്കള് സെല്വന് വീണ്ടും മലയാളത്തിലേക്ക് തിരിച്ചെത്തുന്നു . കെയര് ഓഫ് സൈറ ബാനു എന്ന സിനിമയില് തിരക്കഥാകൃത്തായി അരങ്ങേറ്റം കുറിച്ച ആര്ജെ ഷാന്റെ ചിത്രത്തിലൂടെയാണ് താരം മലയാളത്തിൽ വീണ്ടുമെത്തുന്നത് . കഴിഞ്ഞ ദിവസം വിജയ് സേതുപതിക്കൊപ്പമുളള ചിത്രം ഷാന് ഫേസ്ബുക്ക് പേജില് പങ്കുവെച്ചിരുന്നു. ഈ വര്ഷം തന്നെയാണ് സിനിമയുടെചിത്രീകരണം ആരംഭിക്കുന്നത്.
വിജയ് സേതുപതിക്കൊപ്പം ബിജു മേനോനും മഞ്ജു വാര്യരും ചിത്രത്തില് എത്തുമെന്നും സൂചനകൾ പുറത്തു വരുന്നുണ്ട് . മലയാളം,തമിഴ് തുടങ്ങിയ ഭാഷകളിലായിരിക്കും ചിത്രം അണിയിച്ചൊരുക്കുക. സിനിമയുടെ ഔദ്യോഗിക സ്ഥിരീകരണം ഇതുവരെ പുറത്തു വന്നിട്ടില്ല. ചിത്രം എപ്രിലില് ആരംഭിക്കുമെന്ന റിപ്പോര്ട്ടുകളാണ് ഇപ്പോൾ പുറത്തുവരുന്നത്. സിനിമയുടെ മറ്റു അണിയറ പ്രവര്ത്തകരെക്കുറിച്ചുളള വിവരങ്ങളും ഇതുവരെ പുറത്തുവന്നിട്ടില്ല.
https://www.facebook.com/Malayalivartha