സുജോയോട് പ്രണയം തുറന്ന് പറഞ്ഞ് അലക്സാൻഡ്ര... പ്രണയം വെളിപ്പെടുത്തി സുജോയും.. ബിഗ് ബോസ്സിലെ പ്രണയം ഉറപ്പിച്ച് പ്രേക്ഷകർ... ഇനി ബിഗ് ബോസ്സിൽ കാണുന്നത് പ്രണയ നിമിഷങ്ങളാണോ എന്ന കാത്തിരിപ്പിൽ ആരാധകർ
അങ്ങനെ ഊഹപോഹങ്ങൾക്കും ഗോസ്സിപ്പുകൾക്കും അന്ത്യം കുറിച്ച് സുജോ അലക്സാൻഡ്ര പ്രണയത്തിന് തീരുമാനമായി. ബിഗ് ബോസ്സിലെ ആദ്യ കമിതാക്കൾ ഇനി സുജോയും അലക്സാൻഡ്രയും ആയിരിക്കും. കഴിഞ്ഞ എപിസോഡിൽ ആണ് കുറെ ദിവസങ്ങളിലായി ഗോസിപ്പ് കോളങ്ങളിൽ നിറഞ്ഞു നിന്ന പ്രണയത്തിന് സ്ഥിതീകരണം ഉണ്ടായത്. ഇനി ബിഗ് ബോസ്സിൽ അടിപിടികൾക്കും വഴക്കിനും കയ്യാങ്കളിക്കുമൊപ്പം പ്രണയ രംഗങ്ങൾക്കും പ്രേക്ഷകർ സാക്ഷ്യം വഹിക്കും.
കുറച്ചു ദിവസങ്ങളായി ഉരുത്തിരിഞ്ഞ പിണക്കത്തിന്റെ മഞ്ഞുരുകിയത് ഇന്നലെയായിരുന്നു. കഴിഞ്ഞ കുറച്ച് ദിവസങ്ങളിലായി സുജോ മാത്യുവും അലക്സന്ദ്രയും തമ്മിൽ പിണക്കത്തിലായിരുന്നു. ഇപ്പോഴും ഒരുമിച്ചു മാത്രം കാണപ്പെടുന്ന ഇരുവരും കുറച്ച് ദിവസങ്ങളിലായി അകൽച്ചയിലായിരുന്നു. ഇരുവരും പിണക്കത്തിലാണോ എന്ന സംശയം മറ്റ് മത്സരാത്ഥികളും പ്രകടിപ്പിച്ചിരുന്നു. മുൻപുള്ള ഒരു എപ്പിസോഡിൽ ഇരുവരും സംസാരിച്ചിരിക്കെ അലക്സാൻഡ്ര പെട്ടന്ന് എഴുനേറ്റു പോകുകയും ചെയ്തിരുന്നു. ഇത് ഇരുവരുടെയും പിണക്കം കൂടുതൽ രൂക്ഷമാക്കിയിരുന്നു. കഴിഞ്ഞ എപ്പിസോഡിൽ സുജോ ഈ കാര്യങ്ങൾ രഘുവുമായി സംസാരിച്ചിരുന്നു. ഇവിടെ തനിയ്ക്ക് ഏറ്റവും കൂടുതൽ വെറുപ്പ് തോന്നുന്നത് അലക്സാന്ദ്രയോടാണ് എന്നാണ് സുജോ രഘുവിനോട് പറഞ്ഞത്. ഇനി താൻ അവളോട് മിണ്ടില്ല എന്നും തനിക്ക് അവളോട് പ്രണയം തോന്നിയിരുന്നു എന്നും സുജോ രഘുവിനോട് മനസുതുറന്നു. പക്ഷേ കഴിഞ്ഞ ദിവസത്തെ പ്രശ്നത്തിന്റെ പേരില് അത്തരത്തില് ഒരു നിലപാടിലേക്ക് എത്തണോ എന്നായിരുന്നു രഘുവിന്റെ പ്രതികരണം. എന്നാൽ തന്റെ അസ്വസ്ഥതകള്ക്കെല്ലാം കാരണം അലക്സാൻഡ്രയാണെന്നു പഴിചാരുകയായിരുന്നു സുജോ. സകല ഇഷ്യൂസും ക്രിയേറ്റ് ചെയ്തത് അലക്സാൻഡ്രയാണെന്നും അലക്സാൻഡ്ര ഇന്സള്ട്ട് ചെയ്തു എന്നും രഘു അലക്സാൻഡ്രയെപ്പറ്റി തന്നോട് പറയണ്ട എന്നുമാണ് സുജോ രഘുവിനോട് പറഞ്ഞത്. സുജോയെ താൻ മനസ്സിലാക്കിയത് പോലെ സിജോ തന്നെ മനസ്സിലാക്കിയില്ല എന്ന് അലക്സാണ്ടറെ രേഷ്മയോട് പറയുകയും ചെയ്തു. എന്നാൽ പിന്നീട് കാര്യങ്ങൾ മാറി മറിയുന്ന കാഴ്ചയാണ് പ്രേക്ഷകർ കണ്ടത്. ഇരുവരും മറ്റാരുമില്ലാതിരുന്നപ്പോൾ മാറിയിരുന്നു സംസാരിക്കുകയായിരുന്നു. സുജോയോട് തനിക്ക് സ്നേഹമുണ്ടെന്നും സുജോയുടെ കൂട്ടും പ്രത്യേക അടുപ്പവുമെല്ലാം താൻ ആസ്വദിക്കുകയായിരുന്നുവെന്നും അലക്സാൻഡ്ര സുജോയോട് തുറന്നു പറയുകയായിരുന്നു. അവസാനം ഇരുവരും പിണക്കമൊക്കെ അവസാനിപ്പിച്ച് സന്തോഷത്തോടെയാണ് പിരിഞ്ഞത്. തുടർന്നുള്ള ഒത്തുകൂടലിലെല്ലാം ഇരുവരും ഒരുമിച്ചായിരുന്നു ഇരുന്നതും. ഏതായാലും പിണക്കമൊക്കെ തീർത്ത് തങ്ങളുടെ പ്രിയ മത്സരാർത്ഥികൾ ഒരുമിച്ചതിന്റെ സന്തോഷത്തിലാണ് പ്രേക്ഷകർ.
ഇനി ബിഗ് ബോസ്സിൽ പ്രണയ രംഗങ്ങളും കുഞ്ഞ് പിണക്കങ്ങളും വാഹകുംകി ആസ്വദിക്കാൻ സാധിക്കുമെന്നതിന്റെ ആവേശത്തിലാണ് പ്രേക്ഷകർ. ഇതിനിടയിൽ മറ്റ് പല നാടകീയ രംഗങ്ങളും കഴിഞ്ഞ എപ്പിസോഡിൽ സംഭവിച്ചിരുന്നു. പത്രം കഴുകുന്നതുമായി സംബന്ധിച്ച് രജിത്ത് കുമാറിനെ എല്ലാവരും ചേർന്ന് രൂക്ഷമായി വിമർശിക്കുകയും വഴക്കിടുകയും ചെയ്തു. അവസാനം രജിത്ത് കുമാർ എല്ലാവരോടുമായി ക്ഷമാപണം നടത്തി പ്രശ്നം അവസാനിപ്പിക്കുകയായിരുന്നു. എന്നാൽ ഇതിനു ശേഷം സംഭവിച്ചത് വലിയൊരു ട്വിസ്റ്റയിരുന്നു. പുതിയ ആഴ്ചയിലെ ക്യാപ്റ്റനെ തിരഞ്ഞെടുക്കാനുള്ള മത്സരം നടന്നിരുന്നു. ഇതിൽ ആര്യയെയും ജെസ്ലയെയും പിന്തള്ളി വിജയത്തിലാകാം ചാർത്തിയത് ഡോ. രജിത്ത് കുമാറായിരുന്നു. മറ്റൊരു റ്റേസ്ക്കും കഴിന എപ്പിസോഡിൽ നടന്നിരുന്നു. ഓരോ മത്സരാർത്ഥിയും തനിക്കിഷ്ടമുള്ള മറ്റൊരു മത്സരാർത്ഥിയെ തിരഞ്ഞെടുത്തത് അയാളെ അനുകരിക്കണം. ഏറ്റവും നാണായി അനുകരിക്കുന്ന ആൾക്ക് സമ്മാനവും ഉണ്ടായിരുന്നു. ടാസ്ക്കിൽ തെസ്നി ഖാനെ അനുകരിച്ച് വിജയിച്ചത് മഞ്ജു പത്രോസായിരുന്നു. അങ്ങനെ പല രസകരമായ സംഭവങ്ങൾക്കായിരുന്നു കഴിഞ്ഞ എപ്പിസോഡ് സാക്ഷ്യം വഹിച്ചത്. ഇനി എന്തൊക്കെയാണ് പ്രേക്ഷകരെ കാത്തിരിക്കുന്നതെന്ന് വരും ദിവസങ്ങളിൽ കണ്ടറിയാം. ഇനി വരുന്നത് ഡോ. രജിത്ത് കുമാറിന്റെ ദിനങ്ങളാണോ എന്നും കണ്ടറിയാം.
https://www.facebook.com/Malayalivartha